1. حچاية وکل جميع الناس =خل المادرو يدرون
2. آمرمصطفي المختار=غزوة وکلکم تحضرون
3. ضد خيبر ياهالإسلام= لازم بيرغ اتشيلون
 وکل واحد کون يشد حيله

-

4. فزعو عاليهود رجال= هيچي تسولف الأخبار
5. جنود مجنده وفرسان =والقائد نبي المختار
6. شافو حصن بي بيبان =من کبره الفکر يحتار
 والوادم تصفگ بيد يها 

-

7. صاح بصوت ابوالزهراء= ياهواليوگف الهاية 
8. اليوم النهج والقرآن= منکم راد تچاية
9. کل من راح رد فشلان= لاچن ظلت اراية
مايگدر واحد يدناها 

-

10. هالراية غدا ياناس =لازم کلکم تشوفون 
11. اسلمهه بچفوف الحيد=وانتم يومه تعرفون
12. احبنه ويحبني إهواي= وايحبه الآه الکون
 وکل واحد منهم گال آنه

-

13. حيدر عجب موموجود= يوم والوغه ايعرفونه
14. واذاشبت لضه الکلفات= بس حيدر يند بونه
15. ساعة وصوت لنه ايصيح =حيدر رمد بعيونه
مايگدر يوگف بالحومه

-

16. تبّسم مصطفي المختار= لاکن رافع چفوفه
17. گا للهم علي جيبوه= يمنه ولازم نشوفه
18. اجه بکل شوگ ابوالحسنين= جيه بروح ملهوفه
يم طاها ايقّبل چفينه


-

19. محمد شاف حامي الجار=جيته بروح مشتاگه
20. لاکن هالرمد بالعين= وايد ضيّگ اخلاگه 
21. مد إيده النبي المهيوب= هيچي واخذ برياگه
 وبهداي امسحهه اعلي اعيونه

-

22. برت من الرمد عيناه= لاکن نزلت الدمعه
23. علي جاه النبي المحمود= عند الباري شوسعه
24. يبن العم تحزم گال =حان الوکت للفزعه 
 ياحيدر گوم تعناها

-

25. تچنه وگام ابو الحملات= للکلفات شد حيله
26. درو عن من حچه المختار= هذا اليرد کل عيله
27. خطفه وچنه مد الأيد =صوب الحصن ويشيله
 تتلاعب بيده الصفاگه