مَاتْ إِبْنِ الرِّضَا مَاتْ=مَاتْ إِبْنِ الرِّضَا مَاتْ عِشْرِينُ وْخَمْسَة مُدَّتَه=وِالسَّمِّ فَتَّتْ مُهْجَتَه مَاتْ إِبْنِ الرِّضَا مَاتْ إِبْنِ الرِّضَا بِفْرَاشَه=گَاسَى حَرِّ لِسْمُومْ وْلَبْوَابْ كُلْهَا اِمْغَلَّگَه=وِالنَّفَسْ مَكْتُومْ مِنْ عُگُبْ مَا أَعْدَائَه=دَبَّرَوْا لَهَالْيُومْ زُمْرَةُ الْإِرْهَابْ أَعْدَاءِ لَطْيَابْ وْمَوْلَايْ يِشْكِي وِحْدِتَهْ=يْعَالِجْ يَوَيلِي رْوَيحِتَه مَاتْ إِبْنِ الرِّضَا مَاتْ غَمَّضِ اِعْيُونَه وْمَدِّ=إِيدَه وِيَّه رِجْلَيهْ وْفَاضَتِ الرُّوحُ وْ=نَاحَتِ الْمَلَائِكْ اعْلَيهْ وْجَاهِ اِبْنَهِ الْهَادِي=يِغَسْلَهُ اُو يِوَارِيهْ وْنَادَى يَمَظْلُومْ بِالْغُرْبَة مَسْمُومْ وِبْگَبْرَه نَزَّلْ جُثَّتَه=وِالْحِزِنْ بَادِي اِبْمُهْجَتَه مًاتْ إِبْنِ الرِّضَا مَاتْ هَذَا الْجَوَادْ=التَّقِيِ السَّيِّدِ الْعَالِمْ چَمْ مُعْجِزَة أَثْبَتَتْ=قَدْرَه لِلْعَوَالِمْ وْلِلْيُومْ حَتَّى فِي=ضَرِيحَه الْكُلِّ غَانِمْ يِقْضِيِ الْحَاجَاتْ اِيْحِلِّ الْعَوِيصَاتْ لَكِنْ ضَمَايِرْ مَيِّتَة=إِتْآمَرَتْ أُو قِتْلَتَهْ مَاتْ إِبْنِ الرِّضَا مَاتْ وِالزَّهْرَا تِنْصُبِ=الْعَزِيَّة فِي گَبُرْهَا لَجْلِ الْجَوَادِ اِمْصِيبَه=عُظْمَى مَا أَجَلّْهَا وِتْنَادِي أَوْلَادِي=ضَحَايَا الظُّلِمْ كُلْهَا رَاحَوْا ضَحَايَا لَهْلِ الْغِوَايَة مِنْهُمْ عَفِيرِ اِبْتُرْبِتَه=وِاللِّي الْأَعَادِي سَمِّتَه مَاتْ إِبْنِ الرِّضَا مَاتْ إِلْمُعْتَصِمْ طَاغُوتْ=مِنْ جُمْلَةِ الظُّلَّامْ مُسْتَكْبِرِينُ اُوجَائِرِينُ=اُوحُفْنَةِ اَقْزَامْ أَسْمَاءْ حِلْوَة لَكِنِ=الْمُسَمَّى إِجْرَامْ مُعْتَصِمْ بِبْلِيسْ لِلْبَاطِلِ رْئِيسْ آبَاءَه كَانَتْ قُدْوَتَه=مُجْرِمْ عَظِيمَة جْنَايِتَه مَاتْ إِبْنِ الرِّضَا مَاتْ وِتْأَمَّلْ اِفْحَالِ اِللِّي=سَمَّى رُوحَه عَالِمْ أَبُو دُؤَادِ الْحَاسِدِ=اِمْعَاوِنِ الظَّالِمْ حَرَّضْ عَلَى قَتْلِ=الْجَوَادِ اِبْقُولْ آثِمْ نَفْسَه الْمَرِيضَة مِثْلَهْ خَفِيضَة إِلْحَسَدْ شَلّْ بَصِيرَتَهْ=وْبَاعِ الْجِنَانِ اِبْدِنْيِتَهْ مَاتْ إِبْنِ الرِّضَا مَاتْ وُمِّ الْفَضِلْ مِثْلَاتْ=وَالِدْهَا الْمَأْمُونْ إِلْگَلُبْ مِنْهَا بِالْحِقِدْ=وِالْغِيرَة مَشْحُونْ سَمَّتْ وَلِينَا فِي=عِنَبْ بِالسَّمِّ مَعْجُونْ وَمْسَى يِنَادِي يَا عَلِي الْهَادِي وْغَسَّلْ إِمَامِي الْجِثِّتَهْ=وْعْلَيهْ هَلّتْ دَمْعِتَهْ مَاتْ إِبْنِ الرِّضَا مَاتْ هُمْ دَائِماً أَهْلِ=الْمَبَادِي وِالرِّسَالَة أَعْدَاءْ لِلطَّاغُوتْ=وَرْبَابِ النَّذَالَة لَنَّه مَصَالِحْهُمْ=تِهَدِّدْهَا الْعَدَالَة لَكِنْ لِهُمْ يُومْ قَادِمُ اُومَحْتُومْ لَمَّنِ الْمَهْدِي اِبْثَوْرِتَه=يِعْلِنِ الْعَدْلِ اِبْدَوْلِتَه مَاتْ إِبْنِ الرِّضَا مَاتْ يَا رَبِّي ابْتَاسِعْ=الْيِمَّة بَابِ لِمْرَادْ تِغْفُرْ إِلَينَا وْتِشْفِي=مَنْ لِلْعَافِيَة رَادْ وْتِرْزِگْنَا نِوْصَلْ=مَرْقَدَه فِي أَرْضِ بَغْدَادْ وْتِحْمِي الزُّوَّارْ مِنْ كَيدِ لَشْرَارْ وْيِبگَى ضَرِيحَه وْقُبِّتَه=مَمْلِي اِبْجُنُودَه وْشِيعِتَهْ مَاتْ إِبْنِ الرِّضَا مَاتْ