زينب تنحب الليله اعله والدها=بس هاليله ابوها المرتضى عدها تجول ابدار ابوها والدموع اتسيل=صدگ ويانه ابونه بس سواد الليل صوبها الزمان اوهدم منها الحيل=وامس بامها الزچيه انفجعت وجدها من محنه المحنه وبيها چم اصواب=ابزغر سنها يتيمه والحزن جلباب وصواب الفجعها اصواب داحي الباب=ابوها لنفگد ياحيل اليظل عدها ما توصل لابوها من ازدحام الناس=بصوت الحزن صاحت صوت ياعباس هم ايطيب ابونه اصوابه وسط الراس=والتفگد ابوها الله يساعدها جاوبها ابونين ويهل دمع العين=ولن تسمع بواچي من الحسن وحسين الارامل وايتامه اتيتمت والدين=واصوات الحزن تتعاله من عدها ابو محمد الصاح اومدمعه ايسيله=اتريد اتودع ابوها المرتضى العيله حماي الحمه خطارها الليله=ويريد ايشوفها اتنشده ويناشدها حيدر فتح عينه وعاين لزينب=واومه اعله ابو فاضل يمه يتقرب هاي اختك واعرفك بالوفه امجرب=كفيل لتصير الها وتوگف ابحدها الهواشم والحسن وحسين عدها حضور=وحيدر يوصي بيها اوعدها هذا السور ريت ايشوفها ابليل اهدعش عاشور=غريبه وبس تدير العين وحدها يحماي الحمه ياسور للاسلام=يقالع باب خيبر ياحمه الينظام الارامل تنتحب هليله والايتام=بيك اتلوذ چانت من يصل حدها انفجعت من هتف جبريل حيدر طاح=وذاك صار عالاسلام اشد مصباح الارامل واليتامه صفگت راح ابراح=ما نشفت مدامعها على خدها الهي بجاه حيدر والد السبطين=والبضعه وابوها سيد الكونين انصفي اگلوبنه وبايمان متوحدين=على حب حسين نيتنه نوحدها