الضابط على متنة يشيل رتبة لهاي=حباً او كره تلكة اليقدرونه وحب لحيدرة ياخذ تحية الكون=الحسن وحسين شايلهم على امتونه علي بوكت المعارك بجت منه ابطال=وبسلمة اليتامة اللي يبجونه لومر اليتيم اباب ابو الحسنين=وعيال الوصي احتاروا شيطونه علي بكد ماعلي وشكثر رحمةالبيه=كبل بابة يفك طلاكة اعيونه علي شيد سجن بعيون كل الناس=فشلوا غيره من رادوا يشيدونه سجن دمع اليتامة ودمعة المظلوم=ودموع الأرامل بيه مسجونه كلشي وبي ثواب يتقنة داحي الباب=تقرب للجليل يجيد مضمونه يدري زيارتة تقرب الشخص لله=يشك كبرة ويطوف وياليطوفونه عابد كلمن اتباوع لبوالحسنين=جا كلي علي نفسة شيسمونه (ميثم) حب علي وكبرة مزار ينور=ومن اقصى الدول كاموا يكصدونه مقام لحيدرة موقعة اباكستان=تسابق بينهم بالذهب يبنونة واحنة اباب حيدر قنبلة يحطون=صحن حيدر علي رادوا يفلشونه نتأسف عليمن وحنة بينة الصوج!=ونذب صوجنة براس اليصوجونه قطام وابن ملجم وابن ابو سفيان=علينه اتوحدوا كاموا يفرقونه واحدنه اعله نفسه يشيل بيده سلاح=ومن يدير وجهه اتكتطعه سنونه الافريقي اليجوع انصير اله ماعون=ساعدنه الدول كلهم يعرفونه يا وسفه الافريقي علينه كام يجود!=من بركاتنه الزادت بماعونه