رِش لجل مسلم يدمع العين رِش=وأبني لطيور الحزن ياكلبي عِش رش يدمعي وأذكر امصاب السفير=مسلم وللكوفه كاصدها نصير وبالتحية استقبله الجمع الغفير=بالوجوه امرحّبه بالكلب غِش ياهله نادت يمسلم ياهله=ياسفير احسين ابن عقد الوله تلكه كلنه اجنود الك متجحفله=دش علينه ننتظر جيّتك دِش ودخل ليها المصلح ايمنّي النفس=بالمواعظ ينطي للكوفه درس ومادراها اتغدره وأعليه تنعكس=وحين يطلبها بعهدها اتكلّه إش كوم غداره تسير اويه الرياح=سلّت اعله ابن النبي اسيوف ورماح وحاربت رمز السلم رمز الصلاح=والحمامات السِلم نادتها كِش خضبّو رمز العداله والسلم=يحتضر مسلم وكع بين الزلم وكلبه يدري احسين ماعنده علم=حِش يكلبه بيدر الاحزان حِش آيا كلبي حسين ياريت دره=خانت وغدرتني كوم الغادره وانه مرمي ودمعي لمصابك جره=وأنده الجف الاجل لدموعي مش لايبو اليمه الطبع نفس الطبع=اتغدرك الكوفه مثل غدر الضبُع يبو الاكبر من تواجه هالربُع=طش يبو السجاد روس اعداك طش