يا كعبّة الروحِ و حجَّ الأنبياء=سبْحان من صوّركِ يا كربلاء كربله او نور الإله النوّرچ= اوصوّرچ , سبحانه ربّي الصوّرچ ترْبتچ خصها ابمعاني من بهاءه = او دمّچ اتجارى ابشرايين انبياءه قد مازجت هاذي الدِما تلك الدماء=سبْحان من صوّركِ يا كربلاء كربله الفردوس و آدم عاشِگچ=الهالسبب ناح او بچى من فارگچ و ابترابچ كل مَلك لله تعبّد=او منّچ ابليس العِصا ربّه تبعّد إذ كنتِ قبل الأرض في أوْج ِ السَماء=سبْحان من صوّركِ يا كربلاء كربله او نوح النبي ابْوسط البحر=مَر عليچ ابْمركبه او حس بالخطر ابلا شعور او عالوجن بس تجري عينه=او ظلت ابموج الدمِع تمشي السفينه و سار فُلك الهَم في موْج البكاء=سبْحان من صوّركِ يا كربلاء كربله او حين ابْردِت نار الخليل=اعْلِيه ردّت تحْرِگه ابوسط الدِليل نار گلبه او نار لحْسين او خيامه=ما تصير اعْلِيه برْدِ او لا سَلامه في قلبِ إبْراهيمَ حُزْن الأولياء=سبْحان من صوّركِ يا كربلاء كربله او يعگوب شوفه امْن انطفه=للنظر من ترْبِتچ ياخذ شِفه او مو قميص , المعجزه نفهم خبرها=ابْترْبِتچ يوسف تعطّر من عطرها منْكِ انتشى يا طفُ عِطْرَ الكبرياء=سبْحان من صوّركِ يا كربلاء كربله انتي الوادي لمْقدّس طوى= و الله دَك بيچ الجبل يا نينوى او بيچ يتجلّى سناء الإسم لعْظم=و ابْحروف اسمچ كليم الله تكلّم ( و خَرَّ موسى صَعِقاً ) عند اللقاء=سبْحان من صوّركِ يا كربلاء كربله او يحيى اللي مگطوع النحر= چان يتمنى يموت اعلى النهر هود او صالح و اليَسَع و ادريس و الياس=كلها تتمنى تصير اجوار عبّاس ! إذ يَغبِطُ العبّاسَ كُلّ الشهداء=سبحان من صوّرك يا كربلاء كربله او بيچ انولد عيسى المسيح=او مريم ابگاعچ غدت تمشي او تطيح و اشكثر من ترْبتچ تحصَل كرامات=او بيچ عيسى يبْري لعْمى او يِحْيي لمْوات يا تربة النورِ التي فيها الشفاء=سبحان من صوّرك يا كربلاء كربله او خير الرسل ليچ اعتنى= قاب قوسين ابعروجه مِن دنا او كل شي يجري ابگاعچ اگباله تجسّد=امن السمه واگف يعاين لچ محمّد و ينظر السبطَ جديلاً بالعراء=سبحان من صوّرك يا كربلاء