كربله اتعنّاها يا دفّانها=او بيها واري امْشِيبها او شبّانها واري أجساد البگت فوگ الثرى=ابلا غسل و اعلى التراب امعفّره او لمْلِم ابإيدك عظام امكسرّه=صارت لْخيل العدى ميدانها او صِدْ يدفان الأرض بيها الجُسوم=غارجه يا ويلي ابْبحر الدمُوم و السِباع الضاريه اعليها تحوم=عاريه ابگفرة هجير ابدانها او حين توصل كربله للطيّبين=ليّن الگاع ابْمصب دمعة العين او بيها احفر حُفره لنْصار الحسين=صَفوة الشجعان من فرسانها او تالي يا دفان بالوَن و النحيب=يمْها شگ لحْد او لچن خله جريب و ادفن ابوسط اللحد جثة حبيب=شيخ لنْصار او زعيم اركانها او تالي روح احفر گبر لاچن چبير=بيه دفْن اسبعْطعش چوچب يصير من بني هاشم ولا إلهم نظير=اشراف كلهم من نسل عدنانها او تالي روح العلگمي او صد بالنظر=تلگى چن نجمين وگْعَن يم گمر مو گمر , عبّاس هذا اعلى النهر=جثّته او يمها اوگْعَن ذرعانها اهناك يا دفّان إحفر حفرته=او بالگبر واري يعگلي اجنازته او ما أوصّيك ادفن اوياه رايته=بلچَن اتخضّر مَناره امچانها ! تالي يا دفّان منّ المشرعه=حين عبّاس ايتوارى ابمضجعه روح لِمّ احسين جسمه او جمّعه=اموذره اعضاءه ابوَسِع گيعانها او غسّل الدم بالدموع الجاريه=و احفظ اعليها الثياب الباليه و هذه اعضاءه التلفها الباريه=أتأكّد الخنصر صبح بحْضانها و اقسِم اعليك ابدمع عيني اليهِل=بالجسد لعْضاء لمّن تتصِل إدفن اعلى الصدر عبد الله الطفِل=ابطول جثْته او فصّل الها اچفانها او گبل لا تغْلِج لحد گبر الولي=او گبل لا لتْراب بيديك اتهلي خلّي عد رجله جسم لكْبر علي=تالي هِلّ اعلى الجثث تربانها