بسْمك يسمّونه البشر بالجعفريه وهذا الإسم أعظم شرف و اعظم هويه منّك تعلّمنه اشكثُر=يا سيْدي ابطول العمُر أنه اللي آمنت بالواحد الخالق=ابْعقيده راسخه ومنها الگلُب واثق رسول الله رسولي او مصحفي الناطق=أميري حيدر او آنه العَلي عاشق هذا ديني راضي عنّه و اموافق=و تعلمت الدرس من جعفر الصادق من جعفر الصادق خذت جوْهر كلامه رب البريّه ما انْعرف لوْلا الإمامه و آنه اعترف بيها او أقُر=يا سيْدي ابطول العمُر تعلّمنه اشكثر منّك عبر لسْنين=دروس اللي تفيد الوادم ابكل حين تعلّمنه ابْدمانه نبني صرح الدين=تعلّمنه المصايبكم نسيح العَين تعلّمنه , بچي و نوح و لطم و اونين=تعلّمنه الجزع يا سيّدي اعلى احسين و من منطلق هذا الجزع تتفهّم الناس ليش ابحرّم شيعته تطبُر على الراس و ما تكتفي ابْلطم الصدُر=يا سيْدي ابطول العمُر ابذكركم نعتلي او بيه يعتلي حِسْنه=و مثل ما راد جعفر نِحْيي مجْلسنه على مبدأ ولايتكم تأسّسنه=وجَعْفر بِنْ مُحمّد هوّه درّسنه كلام الناس لا هَمْنه ولا مَسْنه=محْروسين , والله ابْعينه يحرسنه من حقنا لو گلنا البشر مو مستوانا و احنا الإمام المنتظر شايل لوانا بيْمينه مقرون النصُر=يا سيْدي ابطول العمُر يا شيخ الأيمّه الما نشف مدّك=تاج الحكمه بس ايلوگ إلك وحدك اوْرَثِت ناموسك امن المصطفى جدّك=لذلك كلشي طايع لمْرك او يدّك زعيم المرجعيه و من يصل حدّك؟=ذا حتى انبياء الباري اتْقلدك! يا آية الله العُظمى يا روح العَوالم مكتوب إسمك سّيدي فوگ العمايم و خادم عُلُومك يفتخُر=يا سيْدي ابطول العمُر على افراگك دمع عين المَدارس صَب=او گلُب طُلابك ابنار المواجع شَب نِزَف جرح الشرِع و المُصحف اتغرّب=يبو المَذهب , تيَتّم بعدك المَذهب و انا الفگدك لنوح ابحسرتي و انحب=مثل ما گبلي ناحت عمّتك زينب لبْچي اعْلى فرْگاك او دمع عيني أسيله و اتعلّمت فن البچي من العقيله و اعليك دمعي ينهمُر=يا سيْدي ابطول العمُر يالگضّيت عُمرك كله هَمّ اوغم=يا وسفه اليرَيْحك تالي شُرْب السَم ما چنْت ادري كلمن چبده يتخذم=واجب تالي گبْره اعليه يتهدّم مصيرك من مصير اجدادك اتحتّم=لا تحسِب عگب موتك بعد تِسْلم دامك إبن حيدر علي لا اتظن يعيفوك و لو عايش ابهذا الزمن چا هَم يغيلوك معروفه أطباع الكفُر=يا سيّدي ابطول العمُر