موكب المشاة الكربلائي يعزّي ألإمام علي (عليه السلام) بفاجعة كربلاء موكب مشاة ومعتني = من كربله ليك إبخبر دسمع يناديك إبگلب = منفجع وإبونة كدر آجرك ألله يا علي = بالمصطفه سيد البشر وإيناشدك عن بضعته = چم ضلع من عدها إنكسر وإنته إبوصيته إتگيدت = إو گلبك إعله البلوه صبر موكب مشاة إو معتني = لأرض الغري إبهذا السفر إو حامل رساله إموسمه = من زينب إبدمٍ حمر يابالحسن عندك علم = بالطف عله حسين إشسدر من صوّبو گلبه إبسهم = وإبگصته إصواب الحجر إو ظلت رميه جثته = وإمغسله إبدم النحر إو فرهود صار إمخيمه = وإعياله يسرها الدهر أدت مراسيم اليسر = إو عوّدت عشرين إبصفر للغاضريه إمكدره = إو متعوبه ماخذها السهر يا علي إو زينب حايره = من خطر وإتطيح إبخطر بين الگبور إمحيره = إو عالمشرعه إتصد بالنظر من گبر تگعد يم گبر = وإتنشف إدموع البصر مصيوبه بسهام اليسر = وإمصابها إيفسر الصخر گابلت شاطي العلگمي = صاحت يمن لختك فخر عگبك يبو فاضل تره = رمي الدهر بيه كثر لحد يحماي الضعن = يا من لعد هاشم گمر ما تگعد إترد الحرم = لديار عدنان إو مضر