يبني يالأكبر مصابك ما يهون= شلون أگدر أمنع دموع لعيون ريت گبلك يبني ما خذني المنون= ولا چِنِت من جثِّتك جابوها اشلون اشوفك يبني جدّامي ذبيح= امدَّد اعلى الثرى و دمومك تسيح لظل طول العمر يالأكبر أصيح= ريت روحي ابدالك الأخذوها يا شباب البيك چنْت امحسِّبه= بكُبري ترعاني و ترِد تعْب الربه ماچنِت متأمِّله ابها النايبه= عيوني يبني الشوفتك حرموها اخلاف عُمرك بعَد ماريد العمُر= ضاعَت الآمال منِّي و شنتظر يالچنِت زهره و تنفِّه لي الصدر= وسفه زهرة عمرك النثروها