زينب اوياک اطلعت وامخدرة=الروس طخت لخت سبع الگنطرة زينب اوياک اطلعت وامدلله=تلوذ بيها ام المفاخر والعله وگاصده بهذا الظعن طف کربله=وبيک چانت عالخلگ متفاخره چان يرعاها بخجل عذب الهوا=بزود اخوتها وعزم راعي اللوا هاي زينب وينها ووين النوا=بهظم زينب مااظن واحد دره هظم زينب موهظم هّدم جبال=ودمع زينب سال بس شلون سال يگطع بتوت الگلب هذا السؤال=صدگ زينب بالردن متستره الراد عن زينب وصف بالله شيگول=چنها ابوالحملات وامحيرة العقول تشرف اهل الأرض بت فحل الفحول=هاي بضعة حيدره وخير الوري کافي لو عنها نگول اخت الچفيل=وموعجب لو گلنه هم تحمي الدخيل حگها زينب شافت البيرق يميل!=ومن يطيح العلم تمشي اميسره حيّرت صبر الزمن بت فاطمه=واصبحت فقار حماي الحمه چنها حيدر لو يطبله ابموزمه=هدمّت عرش الظلم بت حيدره الدنيه مر بيها حزن واشگد مصاب=ما مثل حزنچ يبت داحي الباب ياهي مثلچ ضحّت بسيد الشباب=ويااخت عافت اخوها اعلي الثره يااخت عافت اخوها بمصرعه=ويااخت شافت چفوف امگطعه ويااخت شافت سيوف امشرعه=هدت اعلي احسين وتحز منحره