( ياشم الهوه ) وگفت اعله التل مدامعها تسيل=نادت بلوعه يبن حامي الدخيل اتعنت الحومه تناشد بت علي=اتگله ياشم الهوه وياكل هلي ردتك الساعه يخيّ تنغر إلي= مابگه غيرك يبو اليمه چفيل انهض الساعه لون بيك النَفس=ماني بالوعه دليلي منحبس حرگو اخلافك خيمنه اهل الرجس= استفردوا بينه حريم ابلا معيل هايخوي بياكتر گلي بگيت=انه زينب يابعد روحي اعتنيت ارد اشوفك حي ترد لو لاله ميت= حملي يبن أمي العله اچتافي ثگيل هايشبل الغانمه وعز خوتي=رد لون وصلت لسمعك صيحتي حشّمت حيلك يخوي بنخوتي= گوم أميّه بهيبتي گامت تعيل هايبو اليمه يچانون الشيم=فرهدتها أعداك ياخويه الخيم نحرت ومرعوبه للبيده الحرم=ولو عدل تسمع يبو سكينه العويل لاتخليني وحيده ابلا معين= مالي غيرك ملجأ وبيه استچين رد عليه من گبل گطع الوتين= لا تعجلّ يابعد روحي الرحيل يبن ابوي ا بخاطري الهم احتزمّ=بينك وبين الخيم گلبي انجسمّ حوربّ الحزن وعلى چتلي احتدمّ= والهظم ليّه امسه يبن أمي خليل وين ابو اليمه يشمّام الهوه= حيلي لفراگك بعد روحي خوه يا عضيدي بطيحتك گلبي انچوه= وللگبر ناره فلا ظنها تزيل رد عليه امناشدي يبن البتول= سكتتك ياخويه لتخلّها تطول هاي أميّه اعله الخيم ردت تجول= خوفتي ايغدرونه بالخيمه العليل هايبو اليمه يجيدوم الفله=انچان عني عوّگك طف كربله سلمت لله الأمر كله وإله=أمشي مهظومه وجرح وسط الدليل