(عدّه حيدر من قليل ارجالها) هاي شيعتنه الحزن يبرالها=حضرت اتواسي بفگد خيّالها هاي شيعتنه الحزن چاسيها=خيّم الهم وسكن واديها اتهل مدامعها السفر حاد يها=وروحه حلّت يم علي ترحالها روحه راحت للولي مهظومه=تحمل امصاب الجره واعلومه بالشهاده اتكحلت مرسومه=تشتكي اشسوّه الحقد بحوالها بالغدر صابوا جسد شبل الرسول=يم گبر جدّه وحوافرهم تجول همّه نسل الصوّبوا ظلع البتول=وسجل التاريخ من عادالها سجل الطف ياجرح لسّه يدرّ=ويا آلم وسط الضماير منحدر ردوا اليوم اعله مولانه الصدر=وفجرته اجيوش الكفر وأذيالها اتورّثت گوم الظلاله والرجس=كل حقد موجود بالجن والأنس واعتنت ليه بنفس جور الأمس=اغتالته بليلة ظلام أنذالها اغتالو البدر التشعشع بالوجود=وبالعقيده اتصدّر وفكره يجود ما فصل بينه لبين الجد حدود=روحه يم جدّه الفخر يبرالها سافر وروحه اعله كل شيعي شمس=وشيّعه گلب المحب زفّت عرس سجل بدمّه عله المبدء درس=وعَدّه حيدر من قليل ارجالها انعدّ شهيد ورتبته أرفع شرف=منهو البوجه الظلم مثله وگف منهو دم اشبوله وي دمّه نزف=والزلم تبقه بحدود افعالها أنودعك الليله ومدامعنه السلام=وكل حشه مأتم على فگدك أقام اتهنّه يبن المصطفى بطيب المنام=وروحك ويانه يظل مرسالها ألف هنيالك نلت أحسن وسام=بالشهاده وللشهاده العز مقام وقعّت صك النجاة من الأمام=وأكسبت نوط الخلود بجالها