( جال بالزهره الآلم ) للبتول الطاهره حان الأجل=وأعتناها الموت مهظومه بعجل للبتول اتعنّت اسهام الغدر=صوّبتها وصار مكورها الصدر من ابوها شلون باچر تعتذر=وبالحشه ظلت تساگيها الوجل للخيانه اتنخّت أيام القدر=وابگلبها الآ لم ميدانه كبر والرسان الظلم بچفوفه ظفر=للهجومات اعله مهجتها ارتجل جال بالزهره الآ لم وابلا ذنب=من تعنّه وگطّع اهروش الگلب وأعلن أستنفاره بجروح المحب=لا أسم طه الثناه ولا خجل غارت اجيوش الحزن متسارعه=عالبتول بكل هممها امفازعه من حقد يوم السقيفه راضعه=البيها زمره إتآمرت بعظم دجل طاحت الحره وهواملها تسيل=بدار بيها يأمن الطبها دخيل دارت الوجه وتد ور عالچفيل=الخله سره بقوّ ته عزه وجل وإلتوت بالنايبه أم الحسين=حين فگدت عالأرض ذاك الجنين وارتمه بسهم الغدر صدر الحنين=وأمسه بصوابين خاطرها اشتعل ارتجت الأفلاك والعالم فزع=والزمان ابهيبته ناح ودمع رد لبوها ايخبره بالحال ورجع=ولنّه بلسانه المصيبتها انشچل اللهُ أكبرعالنفوس المغرضه=جرّدتها اسيوف إجتها امحرّضه تاخذ امن الزهره ثارات المضه=وعالچفوف الغادره الهم انتچل آه لمصاب الجره الظلع البتول=زلزل اصروح الظماير والعقول يا بعد عمري يريحان الرسول=لجلچ اليوم الحزن كله امتثل ما ينسينه الدهر مهما صعب=ويبقه يومچ بالگلب سهم انتصب لوّح الغايب برايات الغضب=وگرب يوم الثار إلچ بيده وصل