( انهدمت أركان الهدى ) ياحبيب الله وصل ليك الخبر=هاذه ابو الحسنين بالهام انطبر هاذه ابو الحسنين طبرو هامته=أهتزت الأكوان ساعة طيحته والأفلاك ابكل حزنها اتعنته=ساعد الله شلون دلاله صبر ساعد الله شلون بي ذاك النهار=وسيف ا بن ملجم شطرصرح المنار ما حسب للباري والهادي اعتبار=وسمّ شفرته ابدم ابو الحمله انتشر من جره السمّ الآلم شدّ ابعلي=ويا بعد روحي انخطف وجه الولي ناده فزت وصارت الكوثر الي=وزلزل أكتار النوايب بالدهر من وگع ياسيدي ابذاك المچان=صرخت القبله وندب صوت الأذان وابتله الأيمان بأصعب امتحان=لمّن البارينه وأحكامه إإتمر شلون دم المرتضه بمحرا به طاح=وانتفض جبريل يابو الحمله صاح انهدمت أركان الهده انصاب الفلاح=والحزن خيّم عله البر والبحر والحزن خيّم عله الدنيه وغدت=امدلهمه ومن دم عله مصابه بچت والسمه بهم وآلم تنعه افگدت=كوكب اليمشي على نهجه ظفر كلمن الواله علي وليه منفجع=ظامن الصك الشفاعه ابهالصنع والهمل لمصابه جمرات الدمع=فايز وحيدر لعد ربعه ايحضر تحت راية حيدر ابيوم الحساب=دمعتك تحميك لو حل العذاب حب علي بيمناك مضمون الكتاب=ولو ذنوبك چانت اتلول إتغفر من الزغر حبه ويه شهگات النِفس=والگلب لمصابه شوغات انترس ريته سيف الباغته براسي انغرس=وبالآ لم گلبي ولا گلبه شعر هذا أمر الباري حاشه انعارضه=ياحبيب الله وعلينه فارضه انعزي مهدينه بوفاة المرتضه=وصورته للموت ما تجفي النظر