صرخه من جرح الكلب= يا علي فراكك صعب صوبتنه مصيبتك = يا حامي الجار صرخه ودمع يا بالحسن = وجمرة هضم تتوجر ارواح بعدك يا علي = لمصيبتك تتحسر بكل الكلوب المؤمنه = حبك سكن يا حيدر وكل كلب لمصابك يضل = ينزف دمه للمحشر فكدت اوياك الصبر = وراحت احلام العمر شوف لوعة عيلتك = يا حامي الجار وجم عين ياحامي الحمه= لجلك تهل دمعتهه هالمحنه مو بس عيلتك = متلوعه بشدتهه كل الارامل يا علي = لفكدك تضل حسرتهه وكل المساكين اصبحت = متحيره بلوعتهه جنت للناس الامل = وغيبك سهم الاجل وضل حلمهه بصورتك = يا حامي الجار وايتامك الجانت تحت = ظلك يظل الرحمه الكل منهم اصبح يا علي= يرعاه نوحه وهمه ما جان بوجودك فرد = منهم يحس بيتمه لاجن بفكدك سيدي= اتيتمت كل الامه وعكب عيناك الزمن = ذبهه باحضان المحن وهذي حالة شيعتك = يا حامي الجار بهالحاله ضلت امتك = وحال الملايك اصعب تواسي لنبي اعلى مصيبتك = ولجلك يحيدر تنحب ونيران سم جبد النبي = هاليوم كامت تلهب وبسيف ابن ملجم صبح = ظلع الوديعه امصوب مصابك بكلب الشرع = جدد مصاب الظلع وضل يعيش بحسرتك = يا حامي الجار اهل الارض واهل السمه = عاشوا بهاي اللوعه وحتى الطبيعه اتاثرت = بمصيبتك مصدوعه حتى المطر حتى الهوه= لجلك يهل دموعه وروح الحياة اتغيرت = يا بالحسن مفجوعه والليالي اتكدرت = والايام اتحسرت من غبت عن دنيتك = يا حامي الجار يا بالحسن هذا الجره = الكون انفجع لمصابك ودين الله ناح لفركتك = وضل ممتحن بغيابك وضلت صلاتك حايره = تنتظرك ابمحرابك ومشتاك يلثم جبهتك= يابو تراب اترابك يا علي وصاب الدهر = سهم احزان وكدر وضل ينوح لفركتك = يا حامي الجار