ياعلي الفاگده أم البنين = رادتك تحضر إبيوم الحنين رادتك تحضر إبيوم الدفن = ياعلي تنتظر ظلّت تون ماتت إو ما غُمض منها الجفن = تنتظر طلعة الساگي تبين تنتظر غيرة الكافل تِحِل = للمدينه يجيها إو يِمْتِثِل بالدفن يحضر إو نوره يِهِل = يبچي عالطاهره إمّه إبأنين إبچوا عالطاهره إو صبّوا الدمع = بالبقيع الوفيه تِنْسِمِع تنتخي إبفاطمه إو ضيم الضلع = والألم بالگلب لجل الحُسين والألم ما بُرد يچوي غِدَه = حاطوا إبفاطمه أهل الرِدَه والگبر تُربته تشكي السِدَه = بالبقيع إبحزن نادي الأمين بالبقيع إبحزن نادي النبي = يامُحمّد مِنَعنا الناصبي من زيارة گبر أم الأبي = والوهابي إنتفض يحچي اللعين والوهابي طلع هذا الزمن = ينصر الظالم إو يعبد وثن لازم الغايب إيْدَفْعَه الثمن = من يجي المنتظر ليث العرين من يجي المنتظر نبني القبور = ينتشر بالأرض حُب إو سرور ينتهي الظالم الياذي إو يجور = ترتفع راية العز المُبين