لِيلَةْ حِزِنْ وَآلَامْ وافْرَاقُ وفَجِيعَهْ= حَيدَرْ عَلِّي الْكَرَارِ ايَودِّعْكُمْ يَشِيعَهْ هَذَا الِّلي دَكْ خِيبَرْ مَعَ احْصُونٍ مَنِيعَهْ= دَمَّهْ ايْخَضُّبْ شَيبَتَهْ اويُوصِي أَحْبَابَهْ بِاصْلَاحْ ذَاتِ الْبَينِ ايوَصِّيهُمْ وَصِيَّه= وايتامْ لَا تُصْبَحْ بَعَدْ عِينِهْ ضَحَيَّهْ اويُوصِي بِكِتَابَ اللهْ عَلِيْ خِيرِ الْبَرِيَّهْ= لَا تِهْجُرُونَهْ واتَّقُوا أللهْ بِكِتَابَهْ بِالجَارْ يُوصِي بَعَدْ وِالْكَعْبَه الشَّرِيفَهْ= ابهذي الصَّلَاهْ خِيرِ الْعَمَلْ وَاشْرَفْ وَظِيفَهْ وارْحَمُوا الْمِسْكِينِ ارْحَمُوا الْمَرْأَهْ الضَّعِيفَهْ= وارْعَو فَقِير ٍ واطْرُقُوا في اللِّيلْ بَابَه وَقَالْ اللهْ هَاللهْ بِالزَّكَاهْ يَا نَاسْ ولِصْيَامْ= في شَهَرْ أللهْ الرَّاحِمِ الْهَادِي والْعَلًّامْ اوَأوْصَى بِجَهَادِ الْعَدُو وِالْكَافِرِ الهَّدَامْ= الْلِّي يِكَشِّرْ يُومْ شَنِّ الْحَرُبْ نَابَهْ وِيْوصِّي ابْذُرِيَّةِ الْمَبْعُوثْ طَهْ= خَايفْ عَلِيهُمْ مِنْ أُمَيَّه وَمِنْ أَذَاهَا لَا يْكونْ طُوَفَانِ الظِّلِمْ يِسْفُكْ دِمَاهَا= وَتْصِيرْ هَالدِّنْيَا ابْظِلِمْهُمْ چِنْهَا غَابَهْ اوَصَّانَا بَاصْحَابِ النَّبِي الْثِبْتَوا ابْنَهْجَهْ= بِالْأَمُرْ بِالْمَعْرُوفْ لَا يَنْخُفِتْ وَهْجَهْ وَالنَّهِي عَنْ مُنْكَر وَحَتَّى انْقِيمْ حُجَّهْ= اومِنْ دُونَهْ تُصْبَحْ حَالَةِ الدِّنْيَا خَرَابَهْ اويِخْتِمْ وَصَايَاهِ ابْوَصِيَّهْ لِلضَّعِيفَينْ= وَالْحَسَنْ يِبْچِي اوَيِسْمَعَهْ ويِبْچِي لَهْ حِسَينْ بِالْوِحْدَه وِالْبِرْ وِالتَّوَاصُلْ يَا مُسِلْمِينْ= اوبِالتَّقْوَى خَافُوا أَللهْ يَانَاسُ وعِقَابَهْ يَا إِبِنْ مُلْجَمْ فِي السُّجُودِ اضْرَبِتْ رَاسَهْ= هَدَّمِتْ أَرْكَانِ الْهُدَى وْخَرَّبْت اسَاسَهْ مَلْعُونْ يَا رَمْزِ الضَّلَالَهْ وِالتَّعَاسَهْ= في لِيلَةِ الْقَدْرِ ارْتَحَلْ تَاجِ النَّجَابَهْ وَافْجَعِتْ زَينَبْ يُومْ شَافَتْ عَلِي مَحْمُولْ= هَذَا الْمُحَامِي وِالْأَبُو ولِلْخَيرْ مَأْمُولْ حِزْنِي عَلِيهْ مَا يِنْقَضِي يَحْسِينْ بِيطُولْ= سِيفْ إِبِنْ مُلْجَمْ وِيلِي فُوقِ الرَّاسْ صَابَهْ