شهادته و مصرعه حتّى العدو يروي فجايع يوم عاشور=ويقول شفْت حسين مرمي ودمّه يفور تتحَرّك شفاته مبطّل من ونينه=يبهر جماله و بالدّما مخضّب جبينه لكن على اخيام الحريم يدير عينه=وكلما نزف دمّه جبينه اتشعشع بْنور غارج بدمّه و الجسد كلّه اصاويب=ظنّيت يدعي ودعوة المظلوم مَتْخيب يمّه دنيت اسمع كلامه وقلبي مْريب=ولنّه ينادي قلبي امن العطش مسعور قلبي تفَتّت بالظّما يَعْوان سفيان=وحْياة جدّي المصطفى ظامي ولهفان قلت ارد أجيب الماي لك ياشبل عدنان=رحت الشّريعه بالعجل وارجعت مذعور ولن الارض ماجتوحل بالكون زلزال=وهبّت الرّيح المظلمه وحتّى العرش مال و ارتفع راس حسين جنّه مطلع هلال=والشّمس غابت عن العالم والسّما تمور وَصَّلِت يمّ حسين لن حسين مذبوح=جسمه رميّه و فوق خطّي راسه يلوح وحتّى السّماوات العليّه ضجّت بنوح=متعطّله الافلاك جنها نفخة الصّور و الجيش كبّر و ارتفع صوت البشاير=وغارت على خيام الحرم ذيج العساكر اتصوّر يَسَامع حالها ذيج الحراير=حرقوا الخيم و ايتامها هامت بلبرور يفت القلوب الحال و يصدّع الجلمود=حالة بنات المصطفى ساعة الفرهود ما بين ماهي بالنّياحه بخيمها اقعود=والا الزّلم والخيل بين خيامها تدور يا خلق فعلة بن سعد محّد فعلها=اطفال وحرم ياغيرة الله و محّد الها جم أرمله فرّت بدهشه عن طفلها=و هامت بنات المصطفىكلها بلاستور سلبت ملابسها وحليها قوم الارجاس=وامّا الوديعه شابكه العشره على الرّاس تبجي و تنادي هاي تاليها يَعبَّاس=لحّد يبو فاضل سبونا بالعجل ثور ثور بعجل ياللي من بلادي جبتني=عبّاس وينك بالعوايل كلّفتني بسّك من النّومه دقوم و شوف متني=حلّت على راسي مصايب يوم عاشور