زفاف القاسم بن الحسن يالّذي عْلى المشرعه ظلّت رميّه جثّته=هذا جاسم زافّينه انهض و عاين زفّته جان يا كبش الكتيبه بيك للنّهضه جلَد=فزّع اخوانك و ثوروا بْعَجَل زفّوا هالولد وصّل زْفَافه و انا مفرود ما عندي أحد=بس حريم اتجر ونّه و القلوب مفتّته قوم بسّك يا قمر عدنان من نوم التراب=وقّض اشبال الهواشم و البسوا جديد الثياب و الذّوايب سرّحوها و قوموا انزف هالشّباب=و انتخوا جدّام جاسم جان تنْشَف دمعته و زينب اتقلّه يَبو سكنه افْجَعتْنا ابْهَالنّدا=عرس عدْنا شلون يبن امّي حزنّا اتزيّده يا الولي اتْنخّي جنايز عالوطيّه اممدده=و دمع ابن خيّي جرى و حِسْها تنعّي زوجته و رمله ما بين النّسا تلطم صدرها معوله=ردْت انا ازفاف الولد بوجود قومه وكل هلَه ما دريت يصير عرس ابني ابوادي كربلا=و ينظر بعينه على الرّمضا عمامه و اخوته اشلون يا مظلوم عرسه و انتَ معدوم النّصير=و العرس ويّا الجنازه ابْيوم واحد ما يصير جذب حسره وقال انا ادري ابهالولد عمره قصير=لكن ابن امي وصاني شْلون اخلّي وصيّته هل دمع جاسم و صاح القلب يا عمّي انكسر=لا تزفّوني يَعَمّي جان انا عمري قصر و خلني أطلع للمنيّه و انتو حفروا لي قبر=ضمّه الصدره و بجى و الكل يجذب حسرته