حيدر شرف للأجيال= ما تنكر آثاره حيدر صبح للمختار= من معجزات اسراره هيبة علي داحي الباب= للدين صارت مصدر نحيا ونموت احنه اوياه= ونصيح حيدر حيدر بامر الوحي حيدر صار= للشرف للعز مظهر اشما عددت من أخبار= ما توصل لأخباره لو ما علي حامي الجار= ما ينعرف بارينه لو ما علي، رب الكون= ما ظهر منهج دينه حيدر سند بالغزوات= صدق نهج هادينه موت وغضب عالكفار= يسعر جمر بتاره اسأل بدر والاحزاب= اسأل أحد والخندق اسأل حنين وصفين= بيمن الدين اتصدق منهو القلع بيده الباب= والأمل بيه اتحقق ومنهو اليرجف الشجعان= من هيبته القهاره بيمن ثبت هذا الدين= منهو الوضع أركانه المن شهد جبرائيل= والباري عظم شانه منهو الذي للمعبود= ثبت سور قرآنه منهو الشفيع لها لناس= يوم التضل محتاره يوم القيامة يا صاح= للمحشر ايقدمونه بالموقف ايصير احساب= هاك استمع مضمونه أول سؤال ايسألون= عن حيدر ايسألونه عالجنه واگف رضوان= ومالك يهيأ ناره لو ناشدونه شنگول= هاك استمع صيحتنه شيعة علي محسوبين= حيدر فخر عزتنه رغم الخصم للفردوس= نمضي ونطب جنتنه يوم الحشر حامي الجار= حاشه يعوف انصاره حب الوصي بالشريان= متوزع اويه ادمانه ما ننسه حيدر للموت= حاشاه لو ينسانه انعيش ابنعيم المعبود= ونتمتع ابرضوانه ننحشر رغم العدوان= ويه اليحامي جاره طبقنه سنة هالدين= وأصبحنه بالحگ شيعه ويه الوصي اكتبنه اعهود= وفينه عهد البيعه والمخلص لعهده ايصير= بالدم حبر توقيعه بصفحة ضما يرنه تشوف= نهج الوصي وافكاره شمس العلم حيدر صار= ابنور الفكر نورنه ابدافع عقيده وارشاد= ابدرب العدل سيرنه انطانه العلم والتفكير= ومن الجهل حررنه بكل خطوه من عدنه يريد= نمضي ونعيد أدواره (طهران 1987 م)