بسك يا علي من النوح=لا تزيد جروحي جروح رد لولادي لصغار=عليهم موحشة الدار بسك يا علي من الويل=على قبري طوال الليل قاعد والمدامع سيل=وتدري ولادي متوحشة تدري يا علي الأولاد=ما تهجع على الوساد وعنها الوالدين بعاد=وهي في الدار مندهشة خل النوح يابو حسين=عليك الله مالي عين على قبري تلوم البين=ولك لولاد متعطشة يا روحي وجعت الروح=خلني ولليتامى روح ولادي يا حمى الجار=عليهم موحشة الدار أبد والله يالمهيوب=يمفزع صخر القلوب ما أقدر أراك تنوب=على قبري يبو عيالي إنت الذوبت لحجار=وانت لحاربت لاشرار في الغربة بحديد ونار=وسيفك دايم يلالي والليلة يبن عمي=أشوفك منكسر يمي تعد همومك وهمي=وأحوالك وأحوالي وتذكر ذبحة المذبوح=وتندب دمه المسفوح وحرق الخيم بالنار=عليهم موحشة الدار بدت أيامنا تسود=وبدت جمعتنه تتبدد قدر آل النبي محمد=مصايب مالها تعداد يحيدر هذي أولها=وبالونات تحملها بعضها هذي مو كلها=وأشدها يصب على الأولاد الحسن يتقطع افاده=وأخوه حسين وأولاده على الغبرة بلا وساده=ويصهرهم لظى الوهاد وزينب للطغاة تروح=عليها راس أخوها يلوح وتزهر منه الانوار=وعليهم موحشة الدار قلبي يا علي محروق=بسك من حنين الشوق خلني ورد قبل لشروق=للأولاد يالوالد تدري ياعلي بأمهم=راحت وابتدى همهم بصدرك يا علي ضمهم=وانت مقصد الوافد شلون تخلي هالايتام=بنص الليل يا ضرغام وعليهم دايرة الأيام=واحد من بعد واحد خلني يا سفينة نوح=وروح الدار بسك نوح ترى ولادك يا كرار=عليهم موحشة الدار بسك نوح لا تنحب=خلني وروح حق زينب ترى بالدار تترقب=تعود إلها وتناغيها علي ولو سايلت عني=لا تقلها انكسر مني الضلع وانلطمت عيوني=ورحت عنه لباريها قلها امها هوت الاسفار=وراحت للنبي المختار بعد ما تعود هذي الدار=وللدنيا وبلاويها وصبّرها يصبر الروح=وبسرّ السبى لا تبوح وحرق خيامها بالنار=عليهم موحشة الدار بسك من نظم الهموم=خلني واروح للمظلوم قلبه يا علي مألوم=علي قلبه تنصف روح وشمه بنحره=و قبّل يا علي صدره وقله أمك الزهره=تلاقيها بيوم الطف توّن ودمعها تهله=على جروحك وتغسله وعليك الطف تزلزله=وحواليها الملايك صف قله يبني المذبوح=قلب أمك يظل مجروح ليوم الجنة والنار=عليهم موحشة الدار