في رثاء فاطمة الزهراء على لسان أمير المؤمنين عليهما السلام من دفن بنت النبي واليها=هاج حزنه او غده اينوح اعليها هاج حزنه او قامت اعيونه تصب=او نار فرقاها غدت بحشاه تشب قعد فوق القبر يبجي او ينتحب=يصفج الجف وسف و يناديها غده ايناديها يبنت المصطفه=من بعد عينج على الدنيه العفه اعليج عيني اجفونها عيب اتغفه=ابليلها حتى السهر يعميها اشلون رجلي اتطيعني او يرضه الجبد=اسدر او جسمج اموسد باللحد و صد عن القبر و بلاياج ارد=او جيف اطب للدار و اسكن بيها جيف اطب الدارج او بيها استجن=مظلمه ابعيني او على عقبج سجن او زينب او جلثوم من زود الحزن=لو بجن من بعدج ايسليها من يسلي الحسن عقبج و الحسين=لو بجت منهم على افراقج العين شعتذر لو قالوا الزهره وين=غايبه او للدار ما تلفيها او دار عينه القبر ابن عمه الرسول=او صبت اعيونه الدمع شبه السيول او غده ابحسره اينوح و ينادي او يقول=يا شفيع الخلق يا هاديها