يحسين الك صبن جمر دمعاتي = طول العمر اجذب ألك ونّاتي مولاي ما عندي وسيله ولا جاه =غيرك يبن حامي الحمه عند الله يل خدمتك واجب علي ما انساه =بيك اشتعل واطفه والك لوعاتي يحسين يا باب النجاة العالي =حلفتك بضلع الزچيه الغالي اقبل يبو الاكبر جميع اعمالي= وهذا انه باسمك قدمت چلماتي يرخص الك هذا العمر يا مولاي =يا جمره تتوجر حزن بين حشاي اشرب ينور عيوني من دمعي الماي= وشيفيد ونّي ودمعتي وآهاتي شيفيد وني وانته فوگ التربان =ضامي الگلب يسعر دليلك نيران وعله الصدر لعبت خيول العدوان=ما ضن اوفي مصابك بونّاتي جمرة مصابك للحشر تتوجر =وبگلب كل مؤمن لهيبك يسعر بكل مأتم امك فاطمه بي تحضر= وياساعد الله فاطمه مولاتي تزلزل اجبال الصبر يا مظلوم =من صبرك وصبر العقيله وچلثوم مثل الجره بعاشور أبداً لايوم =بالماضي يبن المرتضى وبالاتي