الله الله إشراح ايصير= خل تسمع رواد التحرير أهداف الطف صعبه خطره = و حسين امصمم عل الهجره الله الله إشراح ايصير = خل تسمع رواد التحرير هجرة حسين ابو اليمه بالله خل نعرف سببها و ليش اهل الكوفة خانت لحسين ابطلبها وصلت الآلاف تنعد ابها المواثيق و كتبها تطلب من حسين ابعجل= إقدم يبن خير العمل لكن رسوله من وصل = القصد بيّن من جذبها وين الميثاق الأول وين = شوف اشسوت وي مبعوث حسين طبع الغادر من يتصنع = كل شي يصدر منه اتوقع حسين من أعلن مسيره يعرف أبعاد القضيه لو سكوت و هاي ذله لو حروب وي آل اميه و أمة الهادي نبينه جانت ابحاجه الضحيه و حسين راد ابصرخته = يحيي ضماير ميته و أعظم اساس ابثورته = موش ثوره مرحليه من شاف الناس اتعيش أخطار= و الحاكم ما يرحم جزار ممنوع اتناقش الوادم = تكفر لو شتمت الظالم حسين ذا يعرف مصيره و يدري بالأحداث خطره و كربله يعرف إسمها و ابها سيف اليحز نحره ليش ما غيّر مصيره قبل ما يعلن الهجره هذا السؤال ابكل زمن = ينشرح أيام المحن بيه موعظه و بيه الفتن = للذي ما عنده فكره هاك إسمع راح انطيك اجواب = أسباب اهوايه ابهاي أسباب خل فكرك يمي و إسمعها = و الآخر أخبار إتبعها الجواب اليوم واضح بيه اشهود و بيه أدله من تعرف الحق تعرفه ثابت و يرفض الذله هذا ذكر حسين لسه تبع ما واحد يمله يعرف مصيره ينذبح = و الغايه مو كل شي و ربح رايد الباطل ينفضح = و من دمه المله رايد ايبرهن لهل الأفكار= يبقى الدم أقوى امن البتار و الناس اللي اتريد الحريه = خل تصرخ صرخه ثوريه هاك إخذ نهضة حسين ابكل جوانبها و عبرها و شوف جانب بعد جانب و هي مرسومه ابسورها و خل نبحث عله الحصيله اللي ترتبها بأثرها ظالم و مظلوم و خطر = نزلوا ابساحات الظفر يا هو الربح يا هو الخسر = و علت يا رايه ابنصرها لو دوّت صرخات المظلوم = هيهات الظالم حكمه ايدوم و الدم الثائر من ينزف = حته القاع اتحطنه و تهتف