يالمختار يالمختار = حالي اتغير يالمختار *** يابويه آنه الزهره = وابگلبي لوعه وحسره وصكني زماني ابغدره = وشبت ابدلالي نار *** من عگب عينك تالي = خابت يبويه آمالي وانهدم بيتي العالي = وعصرتني گوم الاشرار *** يابويه هاي الظلام = گلبت مسار الاحكار واتبدّل ركن الاسلام = اوغصبوا حگ الكرار *** يابويه ابلوعات امصاب = محسن وگع اعله الباب والدم ضل يجري خنياب = وابصدري نابت بسمار *** من وسدوك ابلحدك = هالگوم وگفت ضدك والبيتي گصدوا بعدك = اوحرگوا العتبة الدار *** گوم اللي چانت عفه = ابهالسرعه صارت خفه والبايع حيدر چفه = نكثوا بيعة الكرار *** يجري الدمع بعيوني = وهالگوم ما يخلوني ومن بيتك ايطردوني = وخالفوا امر الجبار *** وين الوصيه بينه = واعداك اتآذينه وين العهد چا وينه = والدهر ويه الغدار