خونه وينه ؟ = ما يجينا ! هجمت علينا القوم = أدركنا يا مظلوم زينب و الدهشه ملكتني = حين الهجمو هالظلام خويه عدوانك ما ترحم = ما عدهم معنى الإسلام و احنا يا خويه بس نسوه = ويّانا كثرة أيتام بعد العزّه و هيبة شخصك = وسفه يا خويه ننضام سلّبونا = ما ارحمونا وخدنا غدا ملطوم = أدركنا يا مظلوم حيّرني يا خويه العاشر = محتاره ابليلة الحزان حرمه وايتام ابلا والي = محتارين ابهالبرّان من بعد عينك يا خويه = حاطتنا اجيوش الطغيان لا تنشدني وين اخيامي ! = شبّوها ابنار العدوان احرقوها = و فرهدوها يا حيرتي هاليوم = أدركنا يا مظلوم يا خويه جمّعت ايتامك = واحفظت ابقلبي عهدك ولمّن نام الطاغي وجيشه = بالحسره جيت العندك وحين الشفتك فوق الغبره = حبّيت اقبل خدّك لكن فصلوا راسك عنّك = وما راعو خويّه جدّك وين اقبلك ؟! = وجيت احملك صحت ابقلب محروم = أدركنا يا مظلوم جسمك يا خويه متبضّع = صاير أوصال و أوصال واللي ايشاهد جسمك خويه = يتفطّر منّه الدلّال كم خنجر قطّع أوصالك ؟ = كم سيف وكم فيك انبال ؟ يا خويه وينه بو اليمّه! = يلفي وينظرك ابهالحال خل يشوفك = في طفوفك و انادي من الهموم = أدركنا يا مظلوم ﭽم أتمنّى خويه الليله = ما تقضي والوقت ايطول أدري باﭽر يوم اللوعه = نركب يا خويه الهزول وجسمك يبقى فوق الغبره = وراسك بالخطّي محمول و انا ألزم دمعة عيني = ودمعي في قلبي مهمول في فؤادي = كل حدادي في قلبيِ المكدوم = أدركنا يا مظلوم يا المهدي زينب مشّوها = مسبيّه ويّا العدوان ما ظن ترضاها مسبيّه = وتلقى الذلّه و الحرمان ﭽم مرّه نادت يا جدّي!؟ = و الحسره اتفجّر بركان اطلب ثار الحرّه زينب = وثار المذبوح العطشان كل دعانا = يا رجانا يمتى يمهدي اتقوم ؟ = أدركنا يا مظلوم