ابجسر بغداد ضلت جثته=گوموا ياشيعه نشيعه الحفرته هذا بستان العلم والمعرفه=هذا للمعلول بلسم والشفى هذا منبع للعطا والعاطفه=يگضي حاجات اليجيله ابحضرته هذا جسم الطاهر ابن المرتضى=وحده ضل ايلوج ماحد غمضه ويح گلبي ابغربته بالسم گضى=مثل عمه الحسن صارت چبدته رفع لجله اعمامته جده الرسول=وبالسجن هم حضرته امه البتول تندب اعليه ابواچيه اوتگول=انسيت ضلعي واللطم ابموتته ابحماميل اربعه شالوا الجسد=مسحوب بالأغلال مايمه احد مثله ابهالحال ابدا مانوجد=بالگبر نصبت ماتم جدته مثل جده بالغرب ماحد اله=وين عزه والعشيره وكل هله بوالحسن وينه ايجيله ايغسله=نمشي احنا اوياه نشيع اجنازته ابد ماسمعنه ابجنازه امگيده=عالجسر مرميه فرجه اممده اجتمعت اعليها الحبايب والعدى=حنت اگلوب النصارى الحالته اسف كوكب صاير ابطن الثرى=جسمه غاب وعلمه باگي في الورى رحمه للعالم ونور الآخره=خابت امه حاربته وعادته