تدري كل شيعي ينادي ياحسين = وبيه يتفاخر ويرفع راسه واليريد الجنه تشفعله البتول = گلبه لابد يرتوي من كاسه يَليِّ تزعل لو شفت نبچي الحسين = ومِنْ يذكره الشيعي تعلى انفاسه ماأشوفك تغضب لمبكه اليهود = والمسيحي اتشاركه بقدَّاسه شلون مانبچي ورسول الله بچاه = يوم ضَمَّه وللنحر هَمْ باسه شَرْد أگلك وانت گلبك مايلين = ويستحيل الصخر يبدي احساسه شلون مايكسر دليلي ابن الرسول = لا له ناصر من وگع عبَّاسه ظل وحيد وزحفت لصوبه الألوف = واحد بآلاف صعب قياسه جَتَّه سهام المنيه اعليه تغير = ولن سهم شك الدليل وجاسه وِگَع طود العِزْ على الغبره طريح = والشمر صدره اعتلاه وداسه شلون تنشف دمعة عيوني عليه = وادري بيه اشلاگه وشگد قاسه ومن تهل دمعات شيعي للطفوف = يدري للزهره بدموعه واسه