احبک رغم ماگالته العذال=ويضل ابضامري يسعر غرامک ابد مااصطبي للي يگولون=تون امسودن اشبيک اشعلامک يگولون الهوه غادر العذال=شبابک ياخذه وياخذ ايامک ويگلولي يحرمک لذة العيش=وتملک هلک وتملک عمامک اصم لاعذل اسمع لاملامات=کلام الغير باطل بس کلامک اجروحي امديرمة وتتغاوه الک دوم=تضحک لو رأت بسمت حسامک اضل افخر ابجرحک عله العشاگ =لئن شايل عله صدري وسامک صدودک والوصل مايفرق اوياي =احبن صلحک و اعشگ خصامک کل دعواي باطل آنه ماگول =مرامي يقودني القائد مرامک گلبي ايضل مضيفک وانته بي شيخ=ولوشبّچت لوذاته ابسهامک تربع هاي مملکتک يمولاي=ابکل اوجودي خلهه اترف اعلامک بس آمر عليّ وگول شتريد =نافذ حکمک وطوع الکلامک ياقمّه ابصفاتک حته الملاک=ماتدرک مده رفعت مقامک شمسنه والکواکب کلهه والکون =تخرّ اجلالاً الهيبت قيامک الانس والجان خدمتک و الملاک=وانه افخر لون تقبلني غلامک شوصفک خورسيت القلم يا طود=القلم شنهي السمه ماوصل هامک العواذل يوم سمعت هاي الوصاف=تگلي موش ولفک هاذ امامک گلتلهم لاول مرّه تحچون=الحگ وبالاخص هوّه کلامي بس مابالغت من وصفت هيچ=ردت اتوسع وخانت افهامي لئن الوصفيته مو ولف هاذ=هاذ الحسن مولاي وامامي هاذ ابن الزچيه الزهره والحيد =علي حامي الحمه ولجّار حامي کرم بيت النبوّة الحسن جمعاه=وابکل الصفات الحسن سامي سلام ابعث له حته اويه الهوه الهاب =واترّجه الهوه ايبلّغ سلامي واگله افراگکم هد حيلي مولاي =دمه مدمع اعيوني وگلبي دامي تره لحظة افراکگ عام الي اتصير =اتصور بالعدد شيصير عامي صدگني الجرح هاذه اليحاچيک=واثار النزف حته ابکلامي صبري اعليک ينگص صار کل يوم=وحبک بالگلب دوم ابتنامي گبل ماچنت شاعر صدگ ابهاي=ولاچانت اتهيج صدي انغامي حبک هيجاني وصرت ملسون=واحس اتفوقت حته اعله جامي الشوفک سيدي مشتاگه العيون=وگلبي الماي وصلک دوم ضامي وصلک غايتي ومنيتي ابدنياي=يحلمي اتوسلک حقق احلامي طلبتي ازيارتک دقبلني مولاي=و لو ما يوصل الهايه مقامي ازورک و لو گبرک بس التراب =اشبگ هالترب غايت مرامي اريد اشبگ اترابک واکحل العين=بترابک و الي هاي اعز غايه وزيحن ليل همي ابشمس لقياک=و انور باطني ابنور الولايه حبک مو ملکني ابسند تاريخ=و لا بخبار لاسنة و روايه لچنّه ابطينتي امن الاصل معجون=و کرامه هاي من ربي و عنايه يمن لولا وجودک و بو السجاد=و ابوک و جدک و خير النثايه اله الکون چا ماصاغ الکوان=و لا ارسل رسول و نزلت آيه يا آل الکساء يا باخرة نوح=و المارکب يرکب علمنايه يثقل العادل ابوزنته القرآن=يا قرآن ناطق للبرايه يا نور الهدي و للعالم ارشاد=نطقکم و الصمت نور و هدايه خطته کلمن سلک ذيچ المتاهات=و تطورش ماسمع ذيچ الوصايه