زينب يا املها = دمعتها تهلها ما تگعد يعباس = وديها لهلها ما تگعد يعباس وتشوف العقيله=ظلت عگب عينك مدمعها تسيله بيني وبينك اعتاب مكفول وكفيله=فوگ العلگمي اتحوم والونه ثجيله ملهوفه يعباس = وتدور الكفلها ما تگعد يعباس = وديها لهلها ما گصرت وياي اديت الكفاله=يالجاهدت للدين وحفظت الرساله راح الچان الي سور وتغيرت الحاله=وانه عگب عيناه صرت احفظ اعياله واللي اتريد ابوها = محتاره شاكلها ما تگعد يعباس = وديها لهلها نار مصابك امصاب ما تنحمل ناره=چنه احنه ابحماكم واصبحنه يساره مصابك هدم حيلي شلون احمل مراره=حرمه ابتالي الليل گصدت للمعاره حگها در ثديها = وتدور طفلها ما تگعد يعباس = وديها لهلها وياك انفگد ياخوي كل خدري ودلالي=وانه اليس ما چان ياخويه اعله بالي وانه الابد منشاف ياخويه خيالي=الله من الايتام وغدرات اليالي لني ابيسر هاليوم = مغصوبه اعله بلها ما تگعد يعباس = وديها لهلها انه انصبت بسهام من الغاضريه=وبصبري احملتها واديت العليه انه الشفته بالشام والله اصعب رزيه=من نار الشماته ما تطفه سريه زينب صاحت بصوت = من شده وجلها ما تگعد يعباس = وديها لهلها شلها كربله وياي راوتني العجايب=لا نايبه وتهون راوتني نوايب خدري مضرب امثال تالي انزل خرايب=بكوفه وكربله وشام والشفنه مصائب واللي تصيح وتنوح = من يلتفت الها ما تگعد يعباس = وديها لهلها