يا فرات اللوحة الأولى اصرخ شعندك بقه شظل يافرات=ولسه دم عباس فوگ اجروفك انته قطرة مايك تعادل حياة=وچنت اظن بالطف تشيل اسيوفك شرد اگلك بعد مو كافي سبات=شلون تقبل يذبحون اضيوفك انته لوفايض تسويهم شتات=بس بقيت امحدد انته بخوفك شلون بجروفك لحد هسه نبات=وبعد عالي وما تهدم طوفك العطش ودموع اليتامه والحفاة=كلهن يشهدن بيوم اطفوفك شلون تبقه وعيب تحمل اي صفات=وتستحي من اسمك تظل احروفك چنت تتصور اخلافك ذكريات=تبقه انته وينذكر معروفك هذا الحسين التقي ابن التقات=اللعنه تبقه اتطاردك متعوفك ونعطش المفروض ولحد الممات=وبينه ما دام النفس منشوفك انته لو حامي الحسين من الطغاة=چان ما نشربك كعبه انطوفك اللوحة الثانية شگال گلبك گلي ياماي الفرات=وانته تدري حسين ذابت مهجته شتعتذر شتگول اذا صار الحساب=بعد تترجه تنول محبته انته تعرفها حقيقه بلا غبار=منهو جده ومنه ابوه والجابته شلون تگدر مايك تمنعه عليه=وانته تدري الناس كلها ظلمته هذا مظلوم وشهيد بكربلاء=وانته فوگاهم تزيد بلوته هذا المدلل عزيز النبي چان=والله تحرگ لون تنزل دمعته وموغريبه يخون واحد بالحسين=هو يعرف زين چانت امته تريد قتله وينتهي بطف كربلاء=ومن وگف مشهوده چانت وگفته ما اريد الماي وانذل يافرات=وما اخذ كلشي العطش من قوته وانته تدري حسين من طاح وشهيد=طيور من السمه نزلت شالته وانته تدري يشرفك اسم حسين=فقط من مايك يلامس شفته اللوحة الثالثة شرد اسولف عن فرات وعن حسين=وهي ما تحتاج شرح المسأله حسين لو شاربله قطره من الفرات=چان سواها القيامه بكربله هو يعرف موته وتعنه الحسين=وحتى دين الله يعبر مرحله چان ما معتاز مايك يافرات=ورغم جرحه العطش كله اتحمله وانته تدري ذنوب شايل يافرات=وهسه شوف حسين شنهي الحصله بطل لمن ثار ما خاف الحسين=وللسيوف اخذيني گال وياهله موقفك سيء ومذنب يافرات=وانته شوف حسين للقمه اعتله بعده ما صار اليزعلك ياحسين=وياهو يگدر للحسين أيزعله