يــا نـبـعة وفــه گلـبـي مــع اشـعوري         هـالـلـيـله الگلـــب مـحـتـار بـافـكـاره
شــيگول الگلــب والـعـاشگ الـولـهان         عــرف درب الـمحبه وسـار بـاخطاره
وعـرف إن الـمحبه اشـواط واشـواط         ويــفـوز الــلـي فـقـط ايـجـيد يـتـباره
وأنـــا كـلـمـا أهـيـم وعگلــي يـشـتاگ         تـضـيـع اعــلـوم گلـبـي ويــه أفـكـاره
وگقـفـت ابـباب حـبي أرتـجب لـهواي         وأتـانـي يـمـته يـمـي تـوصـل أخـبـاره
وبچيــت ابــدال دمـعي ادمـوم هـمال         وجــره بـالـخد عـبـيط الـدمـه بـانهاره
وگلـت لـمن شـعوري فـاق الاحساس         وصـــرت ابـعـالـم الـعـرفـان أتـــواره
قـسم بـالحب قـسم بدروبه الصعبات         قــسـم بـالـلـي أحـبـه ووصـلـت داره
قسم باللي احط چفي اعله شفر النار         لـجـله ولـجـل بــس إن تـنطفي نـاره
قـسم بـاللي أصـب لـه ادمـوع عـيناي         وكــت تـنـبع مـثـل مــا زمـزم اتـجاره
هـذآنه اعـله عـهدي رغـم كـل الـناس         مــا هـمـني الـبـشر لــو كـلـها تـتماره
حـفـظت الـعـهد وصــار لـيـه اسـنـين         والـيـنـعـد وفــــيّ يـثـبـتـها بــاصـراره
تـرى حفظ العهد مو چلمه من السان         وچم واحـــد يگلــهـا ونـفـسه غــداره
تــره حـفظ الـعهد يـحتاج إلـه وجـدان         ومـهـمـا صــار تــبگه الـنـفس أمــاره
لأن نــدري الـنفس مـن عـالم الأرواح         الله گال عــنــهــا وخـــبَّــر اخـــبــاره
لا تـطيع الـنفس يـا صـاحبي كل دوب         لأن الــلــي تـبـعـها يـمـشـي ابــعـاره
وطــاوع لگلـبـك شــوف ويــن إيـميل         انــتـه مــيـل مـثـل الـهـوه بـاشـجاره
ولا ايـعـوگك نـسيم الـبحر هـاج ومـاج         كـلِّـف نـفـسك وخـلـها اتـصـير قـهاره
ولا تـــحچي أبـــد ابچلــمـة الـعـتـبات         ولا تـبـدي الـعـتب وتـكـشف اســراره
مــو كــل الـيعاتب يـحچي أمـره زيـن         لابـــد مــا يـحـرِّف ويـسـدل اسـتـاره
ويـخـفي كــل مـساوئ تـنطبق اعـليه         وبـيـن الـنـاس بــيگه عـالـى مـقـداره
واحـنه الـلي رفـعنه الـعتب والـكلفات         ونـاديـنـه ابـمـحـبه وونـتـجـت اثـمـاره
لا تــظـن الـيـحـب الــنـاس ايـكـرهوه         بـس الـلي يـكره يـظل ومـا إلـه چاره
والــيـسـأل عـلـيـكـم لازم اتـسـألـون         عـنـه شـنـهو حـالـه وشـنـهي اخـبـاره
وآنــا الـجـيت يـمـكم مـا ردت عـتبات         ردت هـالـليله بــس انــزف الـبـشاره
وأخـبـركم يـخـوتي انـولـدت ابـهـاليوم         بــنـت الـمـصـطفى وشــعـت انــواره
واحـنه ابـهالفرح نـشتم عـطور الياس         الـمـن عـطـر الـنـبوه فـاحت اعـطاره
ونــبــارك لـلـنـبـي ابـمـولـد الإيــمـان         ونـهـنـي الـحـاضـرين الــيـوم الــداره
ونگول الـيـوم يـالهادي صـلاتي اعـليك         مــــا دار الــفـلـك وغــنَّــت أطــيـاره