نور الولاء «شيعتي» هاك .. يا با الحسن هاك جوهر ضماير شيعتك = نور او يشع بولايتك يا ابا الحسن هاك للبشر جاعل الباري =گلب محفظ للسراير والعقل مرشد الاكبر= للحواس الخمسه صاير أتميز الحق من الباطل =تنتبه بيها الضماير والبشر لو عقله كمل = مايمشي بدروب الجهل واليعتصم من الزلل = راضع ابمرضع الطاهر ايكون .. والمرضع أيكون يحمل نمير محبتك = نور او يشع بولا يتك يا أبا الحسن هاك ياعلي صورك ربك =من حسن ذات الجلاله واجعلك كوكب =محاسن تزهر ابأفق الرساله نورك ابعين الهدايه= او نارك ابگلب الضلاله عالخلگ من رب البشر= مرسوم حبك من صدر عشگتك عشاگ الظفر = اوهذا منتوج العداله اهواك .. مشغوفه بهواك هاك إلارواح العشگتك = نور او يشع بولا يتك يا أبا الحسن هاك ياعلي انشغفت =ابحبك بس نفوس البشريه لاوحق من بالمحبه =جعل محبوبه نبيه انشغفت ارواح الديانه= والمعاني العبقريه حببك ربك حببك = عند الرسول اوقربك او مأدب محمد ادبك = وانته ادبت الرعيه او ياك .. والحق مشه وياك والحق جذبته ابصحبتك = نور او يشع بولايتك ياأبا الحسن هاك ياعلي ماي الموده= من ينابيعك تفجر مشرب الاسلام صار= ابآخره او دنيا يحيدر اليوم من حبك وردنه =او بالحشر نشرب الكوثر ممدوح حبك ياعلي = دلانه بدروب الوحي حب الشهد بيه النبي = بي اگلوب المله تستر اعيون .. وتگر العيون طلعة محمد طلعتك = نور او يشع بولا يتك يا أبا الحسن هاك اتعلگت بيك الفراسه= او ذللت واتخيلتها او عشگتك روح الشجاعه= او بالحروب اتعشگتها والمعاجزوالمغانم = بالمواقف عانقتها او كل فعل محمود او حسن = ابحبك يبو حسين انفتن او راية محمد بالمحن = ادركت حبك وادركتها الدين .. وابقاعة الدين مرصد بنيت ابنصرتك = نور او يشع بولايتك ياأبا الحسن هاك من ملك مثلك يحيدر =نفس جوهر لطف ربه ابگلب كل مؤمن غرسلك =غصن واثمار المحبه وحبك إبعين الموالي =نور بيه ايشوف دربه يالحبك افضل منزله = والينشد إحنه انرد إله احنه النحب عقد الوله = چى رسول الله يحبه إحماك .. طبينه بحماك آخره او دنيا ابذمتك = نور او يشع بولايتك ياأبا الحسن هاك ياعلي ابحبك الباري= جعل للعالم سروره او للافلاك ابسمه الرابع= صور ابصورتك صوره والملك صاعد او =نازل لعد تمثالك يزوره اوحبك الباري شرفه = ابمحكم كتابه وصفه او خاواك ويه المصطفى = وانمزج نورك ابنوره انطاك .. والمصطفى انطاك ذريته او ذريتك = نور او يشع بولايتك يا أبا الحسن هاك يا علي قربك =عند الباري منتوج إلعباده واصبحت قائد الدين= اوثبت هالدين القياده جعل ميلادك ابيته= وارزقك بيه الشهاده ابسيفالضلاله إتصوبت = ساجد إبمحرابك طحت ابدم الشهاده اتخضبت = او هاي للباري اراده ادماك .. واتفايض ادماك اودمك يقدس سجدتك = نور او يشع بولا يتك يا أبا الحسن هاك مؤتمن عشت ابحياتك= حتى اديت الامانه طيرة الهزت اعضائك =هزت اعضاء الديانه او صارم الصابك يحيدر= ناجع ابسم الخيانه الله من سم البده = بعضاك يتجادح غده گطع دليلك وامرده = او هاج بالعالم احزانه احشاك .. والصوب احشاك صبرك المرد چبدتك = نور او يشع بولايتك يا ابا الحسن هاك