إخِـذ روحـي و اخِـذ گلـبي علي ويّاك         يـالاكبر لا عـلى الـمظلوم تعِز ادماك

آنــه امّـك و احـشمنّك يـضي عـيناي         يروح الروح ينبته المن روابي احشاي
وَ حـقِّي اعـليك يـوليدي و غلاة ارباي         نـخـيـتك لا تـخـيِّيبني و انــه اتـرجّـاك

أبـوك احـسين غريب و لا تعِز عمرك         و هـاي الگوم وسـافه الـيوم تنتظرك
عـلـيـك الله روح و لا تــعِـز نــحـرَك         و خـلِّـيني بـعد فـرگاك اوِن و انـحَب

لـلـمـوادَع إجـيـتـك حــلّـت الـسـاعه         أمّـــــك آنـــــه لـلـتـوديـع مـلـتـاعـه
و احــس نــار الـنـوايب بـيّـه لـذّاعـه         چنِــت أتـمـنّه عـمري يـنگضي ويّـاك

حـيف اتـروح و اظَـل ابلوعتي و ونِّي         و اصـيحن راح مـن عـندي علي إبني
زمـاني اعـله الـنياحه ابـغيبته ايـذبني         و هـالـصيحه أصـيـحنها فــلا أنـسـاك

إخِـذ گلـبي و خَـل بـيه گلـبك امـدرّع         گلـبـي مــا يـهـمني بـس إلـي إرجَـع
مــا أگدَر أشـوفـك يـبـني بـالـمصرَع         خــلّ اتـروح روحـي و ريـت اتـفدّاك

يــا مــا سـاهرِت يـا مـا أنـه الـباريت         يـبـني ابـكـبري تـرعاني أنـه اتـمنِّيت
أفگدَك بـالـعجَل يـولـيدي مـا ظـنِّيت         لچن يــبـنـي لـلـمـيـدان الله اويـــاك