يــبـن حــمّـاي الـحـمـيّه         إنــتـه ســبْـع الـغـاضريّه

زيـنـب الـمـحتاره نـادت         يـــالگمـــر يـابـالـفـضـل
اشلون تسمع هالعطاشه         و گلــبـك الــهـا يـحـتمل
هـاذي صـرخات الضعينه         تـرتـفع مــن كـل طـفل
و جـمرة احـشاها صـليّه         إنــتـه ســبْـع الـغـاضريّه

ريـتـك اتــروح الـشريعه         بــعـد گلـــي اشـتـنـتظُر
و كل طفل يصرخ يعمِّي         بـعـد مــا تــم لـي صـبُر
روح جـيـب الـمـاي إلـنه         كـــل گلــب هـالـمنفطُر
يـنـتـظـر مــنّـك الـجـيّـه         إنــتـه ســبْـع الـغـاضريّه

خـويـه مـحتاره شـسوِّي         حــتـى طــفْـل الـبـلمهد
غـارت اعيونه و اشفافه         و چبــده بـظـماه انـمرَد
حـالـه مـا تـسهَل عـلينه         و صــايـح الـعـيله صـعَـد
و اشـيـصـح آنـــه بـديَّـه         إنــتـه ســبْـع الـغـاضريّه

انـأشّـر اعـليك و نـريدك         فـكـرك اعـلـينه اشـنـوَه
ســاعــة الـمـيـعاد دگت         يــالـجـبـتـنـه الــنــيـنـوه
إنــتـه سـاگيـنـه يــوالـي         و انــتـه شــيّـال الــلـوه
و اشـصـفت مـنّك الـنيّه         إنــتـه ســبْـع الـغـاضريّه

گلـهـا يـختي اتـحشِّميني         و الــعـهـد مـــا أنــكـره
آنــه عــد عـيـناچ يـختي         لــيـش إنــتـي امـحـيّـره
آنـــه جــود الـمـاي آنــه         آنــــه وحـــدي اتــدبّـره
ردّت الــحُــره ابـتـحـيّـه         إنــتـه ســبْـع الـغـاضريّه