خــلِّـيـنـي مـــرمــي اعــلــه الــنـهـر         يــــــــــا خـــــويـــــه يـــحــســيــن
مگطـــــــوعـــــــه چفّـــــيـــــنــــي         و طــــفّــــه الـــســـهــم عـــيــنــي

لـمَّـن طــاح راعــي الـغـيره و الإيـثار         راعــي الـمرجله ضـنوة عـلي الـكرّار
نـاده ابـصوته يـا شـبل الـنبي المُختار         سـلامي اعـليك طـايح آنـه بين اشرار
گصـد لـيه الـغريب و دمـعه ظل عبَّار         عـضـيده ابـلا يـمين و لا بگتـله ايـسار
و الــهــامــه مــفــضـوخـه ابــعــمــد         و ســــهــــم الـــطـــفــه الـــعــيــن
و ايـــــنــــادي ابـــــــــن حــــيــــدر         بــــــيَّـــــه الــــعــــمَـــد أثَّـــــــــــر

أبــو الـيـمَّه سـمع هـالصوت وايـريده         فـزعـله وحگه لـنَّـه الـطـايح اعـضيده
رمـه ابـنفسه مـثل صَگر اللِّگط صيده         راد ايـحـمـلـه لـلـصـيـوان و ايــعـيـده
و گلـه إنـته يـعبّاس الـجيشي اعـميده         تـضـعضع ركـني مـحَّد غـيرك ايـشيده
و الــــرايــــه يــــمَّــــك طـــايــحــه         و ابــــــــلايــــــــه چفّــــــــيــــــــن
جـــــــــاوب أنـــــــــه ابـــــــــزودي         كـــــــــل هـــــــــذه مـــجـــهـــودي

اخـو واعـضيده يـم المشرعه ابيا حال         راد ايـحـمـله لــكـن لـلـغـريب اشگال
يـخـويه ارجـاك تـتركني عـلى لـرمال         تـدري امـواعد اسـكينه وبـعد الاطفال
أجـيـب الـمـاي إلـهم والـقدر هـالحال         صعب أرجع بدون الگربه و المَي سال
و لــــــــو ســايــلــونـي بــالــخــيـم         ويــــــــــن الـــــوعـــــد ويــــــــــن
يـــــــا عــمــنــه ويــــــن الـــمـــاي         شـــنـــهـــو جــــوابــــي ابــــهــــاي

هــل دمـعـه الـغـريب و أيَّــس الـظِنَّه         اخـــو وفَّـــاي غـيـور و نـبْـع الـمـحنَّه
وسـافه اعلى الأرض و الدَّم نزف منَّه         صــاح ابـحـسرته و مـنَّـه عِـلَـت ونَّــه
گمــــر واتــنـاثـر و يــصَـعَـب ألِـمَّـنَّـه         انـكسر ظـهري يـخويه و بيش اجبرنَّه
گلـــبــي مـــثــل راســـــك صـــفــه         اتـــــصـــــدَّع لـــــــــي نـــصّـــيـــن
رد الگمــــــــــــــر مـــــهـــــمــــوم         حـــــيــــف الــــقــــدَر مـــحـــتــوم

يـبـو الـيـمَّه الـعـقيله اهـناك مـنتظره         رد الــهــا أحــلـفـك بــامَّـك الــزهـره
آنـــه اتـكـفَّـلِت والِّــي يــدگ صــدره         وجــوب اعـلـيه يـوافي و لـلعهد يـبره
كـفـيـلچ گلــهـا لا يـمـنـه و لا يــسـره         عــذر مـنـي و حـشه اتـعاتبني الـحُرَّه
و اعــــهـــودي بـــيــهــا اتــكــفَّـلِـت         واهـــــيـــــه عَـــــلَـــــي ديــــــــــن
خـــــبِّـــــرهـــــا بــــالــــمــــيـــدان         طـــــايـــــح بــــــــــلا ذرعـــــــــان

رَد اعـلـيه أبـو الـيمَّه و جـذب حـسره         يـخـويه اخـتـك خـدرها انـته إلـه تـبره
و هــيَّـه الــردِّتـك مـتـأمْـله مـبـتشره         الـكفلها اشـلون اخـبِّرها انگضه عمره
يـمّ الـمشرعه و حـيف انـخسف بدره         صــريـع ورايــتـه الـمـتـلفلفه ابـكـتره
و آنــــــــه بگيــــــــت ابــحــيــرتــي         و مـــــــــا عـــــنــــدي امـــعـــيـــن
يــــــــــا خـــــويــــه شـــخــبــرهــا         و جـــــيْـــــتـــــك تــــنــــاطـــرهـــا

گام احـسـين مـنَّـه و مـنـحني ظـهره         لـلـعـبّاس نــوبـه و زيـيـنـب الـنـظـره
ظــل مـحـتار وسـفـه ايگلـب ابـفكره         آيــا گلــب ابــو الـيـمَّه اشـكثر صـبره
اتــلگتـه الـعـقـيله وســألـت ابـعـبـره         كـفيلي ويـنه يـمته ايـرد لـي مـنتظره
يـــــرجــــع كــفــيــلــي أنـــتـــظــر         مــــــــــا رد لــــــــــي لـــلــحــيــن
و ديــــــــنــــــــي شـــــكَّـــــايـــــه         يــــــــــم راعــــــــــي الـــــرايـــــه