گمـــر هــاشـم نـشـر بـيـده رايـتـه         و كــــرّة الــكــرّار چانـــت كــرِّتـه

مـن نـزل لـلمشرعه و بـيده الـعلم         طـلـع يـمـلي الـجود و ايـرد لـلخيم
مـو عـجب مـنّ الگمر راعي الشيم         ايـلـبِّي نـخـوة سـكـنه لـمّـن نـخِّـته

حمل جوده و گصد صوب المشرعه         مَـمـلـي رايــد لـلـعطاشه ايـرجِّـعه
و كـل طفل عطشان صعبه يسمعه         و مــا يـلـبِّيله الـطـلب مــو شـيمته

ابــن حـمّاي الـحمه ابـوكْت الـشدَد         مــن يـواعـد أبــد مــا يـخلف وعـد
راعــي غـيره و لـلنهر شـد و گصَـد         آنــــه سگاي الـعـطـاشـه صـيـحـته

نــاده آنـه اروي الـعطاشه ابـيمنتي         آنــــه كـافـلـها و جـبـتـها ابـذمِّـتـي
و آنــه مـا أرويـها مـو مـن شـيمتي         و بـعـده عـبّـاس الـغـيور ابـشـيمته

حـمل جـوده و رايـته و طَـب لـلنهر         و يـرتجز آنـه احمي ابن سيْد البشر
و آنـه أروي اعـياله من حگي الفخر         مــثـل حــيـدر بـالـمﻻحـم شـمـرته

فـرّق اجيوش العده اشمال و يمين         و الـعـساكر غــدَت كـلـها امـتـيِّهين
حــيـدر الـكـرّار مـنّـه اتــروح ويــن         گمــر هـاشـم عـلـي چنّـه ابـصولته

هَــمّــه بــالگربـه يــوصّـل لـلـخـيم         صــرخ آنــه الگمــر عـبّاس اﻷشـم
و الـيـجـابـلـني أجــعـلـه چالــعــدَم         و الّـــذي يـمـنـعني هــذي سـاعـته

آه لٰكـــن غـــدْرَوا اصـحـاب الـغـدُر         اتــولّـوا الـعـبّاس بـالـطعْن و طـبُـر
و يا وسَف من طاح من ظهْر المهُر         اچفـوفه طـاحن و العمَد طر هامته