عــز اعــلا عـيـني الـمنتظر يـستهل يـهلال         وعـيـونه حـمـره ودم بــدل لـدمـوع هـمال

هـلـيـت يـانـبـلة مــحـرم تـــرشگ اسـهـام         وتــنـفـذ بــصــدر الــغـيـور اهــمـوم والام
خفف على ابن العسكري وخل جرحه يلتام         لـتـقول راس حـسـين جـده بـعالي عـسال

لاتـصـوّب امـحـمد الـمـهدي هـلال عـاشور         ســدد نـواشبك اعـلا گلـبي وخـله مـفطور
صـاغـي لــك ابـآذانـي والـخاطر الـمكسور         خـبـرني صــدق الـشـيب مـتـعفر بـلـرمال

الـمـهدي صـاحـب هـالـعزه ومـاظني يگدر         لـتگول مـن صـهوة جـواده اشـلون من خر
ومـخشّب إلـسانه الـعطش وبچبـده خـنجر         والـخـيـل عــوّد حـمـحمة ولـلـخيم صـهّـال

وتـطـلع مــن اخـبـاها عـزيزة عـمه عـباس         تـوصل لـخوها تـشوفه يـلفظ آخـر انـفاس
يـبعدها بـن جـوشن وصـدر احسين ينداس         مـايـحـتمل جــده يـدوسـه الـشـمر بـنـعال

لاايــوصــل الـحـجـة بگت زيــنـب غـريـبـه         مـدهـوشـه فــوگ الـتـلّه واخـيـمها سـلـيبه
وتــنـادي انـهـص لـيـنا يــا كـبـيش الـكـتيبه         انچان حـــي اتـسـلَّـبت نـسـوان واطـفـال

لا ايــكـون يـسـمع شـبَّـت بـلـخيام نـيـران         والـغـيره مـاشـمَّت لـحـد الـشاطي دخـان
ولا رجَّــع چفـوفـه ونـهـرهم قـمـر عـدنـان         فـــرّت يـتـامـاهم بـــراري اتـــدور مــوال

ابــن الـحـسن لـحَّد ايـخبره بـليلة الـشوگ         ضـربوا عـلى زينب وهلها امن الذعر طوگ
بـرجليها تـمشي الـشام ليش وخاليه النوگ         لـوطـر فـجـر يـوم احـدعش يـتبدل الـحال

كـلـما اتـشـد حـاجبها صـدَّت عـالي لـرماح         لــبـدور وانـجـوم الـسَّـعد بـالـحِل ولــرواح
فـضلاً عـن الـطفل الـصغير ايشوف بصياح         بـاربـع اسـنـين الـبـاقر اتـحـمل هـالاهـوال

يـهـلال وبـعـدك تـطـلع بـعـينين ابــو الـثـار         مـوكافي طـول الـعام گلـبه الـمشتعل نـار
لا تـوصف الـعاشر ولا اتـفصل له شل صار         يـــدري بـصـارع كـربـلا مـفـصلها تـفـصال

مـعـلـوم عـنـده عـمـته الـمـتورمه لـمـتون         طـابع لـحد سـاعة غـسلها اعلا الجسد لون
مـسبيه لـرض الشام حرمة اشلون يسبون         يـمـناها كــان حـسـين والـعـباس لـشـمال

بــت سـيـد الـكـونيين مــن طـيـنه وتـرابـه         طــبـت اديـــار الــشـوم خـلـوهـا بـخـرابه
غــيـر الـعـلـيل إلـــي بگى مـاضـل گرابــه         نـحـلان مــن ثگل الـمـرض لـو ثگل لـغلال

يـــجــدي بــمـاتـمـك روحـــــي اْســـيــره         مــطــر دمــعـاتـي لـــك مــاهـي اْســيـره
وطــريــق الــعـبـره بــدمـومـي اْســيــره         وغــــص بــالـمـاي كـــل صــبـح ومـسـيـه