عـلـيـكم حـالـي مـتـمرض وبـالـي         ولا جــف الـجـفن مـقـروح وبـالـي
أخــذتـون الـــعگل مــنـي وبــالـي         اوجـرح گلـبي انـفتح صـبح ومسيه

گصـدت الـمشرعة وحـامل گربتي         واحـس كـل خـطوه اتـباعد گربتي
يـزيـنـب يـابـعـد أهــلـي وگربــتـي         أنـــا شـوفـيـت لچ انــتـي الـوفـيه

مـحـد غـيرك وفـي ابـصفاته غـيره         الـبشر من زودك اخذت مني غيره
اذا مـــو ابــن ابـويـه مـنـهو غـيـره         يـرهم لـه اسـم ابـو النوماس اخيه

أنــا الچف إلــي دگت لچ وعــد لچ         أفــز لچ يـخـتي بـالـمحمل وعـدلچ
بـس احـسابي الـطلع دوني وعدلچ         تـمـشين ابـسـبي وعـذري اشـبديه

يـعـبـاس اتــجـه ضـعـنـك مـنـاحي         وحــمـام الـــدوح يـشـبهّا مـنـاحي
يــمـيـت عـــوّد اوگلـــي مـنـاحـي         تــرضـى اسـيـاطـهم تـنـزل عـلـيه

أبـــد أرضـــى وحگ إلـــي هـدانـه         صـحـيح أن سـاكـت وهـادن هـدانه
يـزيـنـب هــذا انــا اگبــالچ هـدانـه         بــس ابـراسـي فــوگ الـسـمهريه

أشــوفـك يـابـعـد اهـلـي وجـلـدتي         عـلـيـك اتـجـلد اشـنـفعت جـلـدتي
كــأنـك تـشـعـر ابـضـربـة جـلـدتي         وچنــهـا عـيـونـك الـيـسـرى عـلـيه

يـنـشميه اخـتـي عـشـنا ومـنفصلنا         حـبـايـب مـــن اصـلـنـا ومـنـفصلنا
ربــيـع افــصـول خــوّه ومـنـفصلنا         آنــــه ويــــاچ جــيـنـا الـغـاضـريـه

مـــن اول لـيـلـه وانـصـبنا خـيـمها         كـلـت انــي الإخــت وانـتـه خـيمها
وخـيـمـها الــحـزن تــالـي خـيـمـها         تــقـبـل ادخـــل امـجـلـس هــديـه

أبــدمـا اقــبـل ادخـــولچ عـلـيـزيد         واحــاچي الـنـوح يـانـوحي عـليزيد
عـلي المشتوم والشاتم علي ايزيد         صــعـبـه اشــلـون اقـبـلـها يـخـيـه

جـبـل لـجـفون والـخـدين سـفـحه         اودمــوع الـعـين شـلالـين سـفـحه
راس ابن امي ابچي اشلون سفحه         مــكـسـور الــثـغـر بــيـد الـدعـيـه

عــزيـزه يـخـتـي عــنـدي وحـبـابـه         أريــد اگرب لــراسچ واحــب بـابـه
بـالـمـجلس نــزل لچ وحــي ابـابـه         وأبــرزتــي الـخـطـابـه الـهـاشـميه