نزلت علينا اسهام گطعت لطم لصدور         واشـتـعلت الـنـيران يـاعـباس مـعذور

اتـمنيت تـمطر غـيرتك وتـطفي لخيام         من لمحت عيوني بحريق الخندق ايتام
لا يـابن ابـويه اشـأخرك هـالوكت اتنام         وبـهالفيافي اولاد مـسلم فـرت اذعور

أضـمـد الـمـحروگ لــو اطـلـع لـلـثنين         مـتواعده اويـاكم ألـمهم والـوعد ديـن
حـيره بـعدكم يـخوتي عـباس وحسين         هـجّـت مــن ايـديـنيي يـتاماكم بـلبرور

بـس مـن گبل ساعات حفتوني بحميّه         هـالـساعة مـاجـيتون لـخـيمكم خـلـيه
لا يـابـن ابـويـه ولا يـابن امـي الـزچيه         مـتـعوده فـزاعـين مـاعـليكم اگصــور

وفّـاي دگيـت الـسدر مـاجيت هـالساع         ضـجت نـساوينك وأخـاف اتطيح اگناع
مـو جـافي طبعك أعرفك ياحلو لطباع         مـهتوكه طـيّات الـخِبه وتتصارخ اخدور

بـالخيمه مـطروحين موته بدور واقمار         كل ثكله وچوبت عالولد لا تحرگه النار
مـاعدها گوّه اتـشيل ابنها وحيره تحتار         هد الركن منها الحشاشه وطيح السور