وقوف مهره وظهور آثار الكرب والبلا   سبط الرّسول ابكربلا  اتحيّر نجيبه=ونادى شِسِم هالقاع يَلْيوث الحريبه قالوا  يبو السجّاد  اسمها  الغاضريّات=والها  اسم  عند الخلايق  شط  الفرات  مَعْ  نينوى  والعقر  ياسيّد السّادات=قلهم  وقلبه  من  الوجد  يسعر لهيبه بالله شسمها غير هذا يا صناديد=قالوا  طفوف  وكربلا  يبن  الاماجيد قلهم دنزلوا غير هذي الارض ماريد=وقولوا  لزينب  تِستعدّ  الهالمصيبه حطّوا  ظعنّا  ابهالفَضا و نصبوا  خيَمنا =و بهداي يَسباع الحرم  نزلوا  حَرَمنا معلوم عندي ابهالارض ينسفك دَمنا=موعود بيها وعدي من الله وحبيبه انجان هذي كربلا بشروا  اببّلايا=ونزلوا ترى لاحت علامات المنايا لازم بجانب  هالنّهر  نقضي  ظمايا=واجسادنا  تبقى  على  الغبرا  سليبه جم شاب ما يهنى بشبابه يظلّ معفور=كلنا  بثراها  نظلْ  عرايا  مالنا  قبور هذي مصارعنا و وَعَدنا يوم عاشور=طير  المنون  اسمع  على  راسي  نعيبه طنّب  خيامه  بكربلا  مهجة  المختار=ودارت  عليه  جنود اميّه  وظل  محتار و ادموعه اتصب فوق خدّه شبه لَمطار =واقبال  وَجهَه  ينتخي  كبش  الكتيبه ثار ابرعيده صاحب الصّولات عبّاس=قلّه  البجا  خلّه  يخويه  وارفع  الرّاس لفعل فعل للحشر بيه تتحدّث النّاس=نشّف ادموعه بوعلي وسكّن نحيبه قلّه وقلبه من الوجد والحزن مفتوت  =تدري بخوك حسين مايرهب من الموت حزني لجل سلب الحريم وحرق البيوت=جم  أرمله  تبقى  عقب  عيني سليبه ماهاجت  احزاني  لجل  ذبحة  رجالي=حزني  يبو فاضل  على  ضيعة  اطفالي وشحال زينب لو بقت من غير والي=متحيّره  بايتام  مدهوشه  وغريبه