للشدد تحضر يحيدر=ردتك لهالشده تحضر شبلك گبالي ذبيح=وانه محتاره وأصيح ردتك لهالشده تحضر هذا ليل دموع وهموم وألم=واحنه يابالحسن أيتام وحرم لا زلم ظلت ولا ظلت خيم=بويه حتى الطفل منهم ماسلم حزني طال= والرجال خيَّم الليل ابظلامه=وحايره بهاي اليتامه بالهظم گلبي جريح=وانه محتاره وأصيح ردتك لهالشده تحضر بويه مثل امصاب اهلنه ماجره=الروس گطعوها وجثثها اعله الثره وآنه بالعيله صرت متحيره=أنظر النار ابخيمنه اموجره عايله=ابكربله وادم الذبحوا زلمنه=يا علي حرگوا خيمنه عالحرم دمعي يسيح=وآنه محتاره وأصيح ردتك لهالشده تحضر بويه ما عندي گلب يحمل غرب=چم وچم لوعه تحمَّل هالگلب اگبال عيني طاح الاكبر عالترب=ومثل دمعي شاهدت دمه يصب نوره غاب=بالحراب طاح الأكبر بالحرايب=داسته خيول الكتايب والجسم بالدم سبيح=وآنه محتاره وأصيح ردتك لهالشده تحضر بويه خمس اسهام دلالي جمع=هظم وفراگ وظمه وخوف وجزع من شفت جسام عالغبره انصرع=الزمت گلبي وخفت لاگلبي يگع شمعته=ابخيمته من طفوا شمعة شبابه=بويه خلاني ابمصابه أنهض وأعثر واطيح=وآنه محتاره وأصيح ردتك لهالشده تحضر هذا ليل اخطار ودموعي تسيل=أصرخ وأنخاك يا حامي الدخيل بس حرم ظلينه وايتام وعليل=ابدار غربه لامحامي ولاكفيل والگمر=عالنهر وليه يابوه انولينه=والكفلنه امن المدينه عالنهر جسمه طريح=وآنه محتاره وأصيح ردتك لهالشده تحضر مر علينا انهار موحش بالطفوف=يبو الحمله وريت عيني لاتشوف هجمت اعله حسين غارات الصفوف=وگطعوا جسمه يحيدر بالسيوف جسمه طاح=دمه ساح من عگب ماسال دمه=جالت الخيل اعليه جسمه وما بگه مفصل صحيح=وآنه محتاره وأصيح ردتك لهالشده تحضر (لندن1995م)