يـالـمـخـتـار يـالـمـخـتار         حـالـي اتـغـير يـالمختار


يـابـويـه آنـــه الــزهـره         وابگلـبي لـوعه وحسره
وصـكني زمـاني ابغدره         وشــبـت ابــدلالـي نــار


مــن عگب عـينك تـالي         خــابـت يـبـويـه آمـالـي
وانـهـدم بـيـتي الـعـالي         وعـصرتني گوم الاشرار


يـابـويـه هـــاي الـظـلام         گلـبـت مـسـار الاحـكار
واتـبـدّل ركــن الاسـلام         اوغـصـبـوا حگ الـكـرار


يـابويه ابلوعات امصاب         محسن وگع اعله الباب
والدم ضل يجري خنياب         وابـصدري نـابت بسمار


مــن وسـدوك ابـلحدك         هــالگوم وگفـت ضـدك
والـبـيتي گصـدوا بـعدك         اوحــرگوا الـعـتبة الـدار


گوم الـلـي چانـت عـفه         ابـهالسرعه صارت خفه
والـبـايـع حــيـدر چفـــه         نـكـثـوا بـيـعـة الــكـرار


يـجـري الـدمـع بـعيوني         وهــالگوم مــا يـخـلوني
ومــن بـيتك ايـطردوني         وخـالـفـوا امــر الـجـبار


ويــــن الـوصـيـه بـيـنـه         واعــــــداك اتــآذيــنــه
ويـــن الـعـهـد چا ويـنـه         والــدهـر ويـــه الـغـدار